COVID-19 پاندەمياسىنان تۋىنداعان جاھاندىق داعدارىس قازاقستاننىڭ وڭتۇستىگىندەگى مايدا شارۋا قوجالىقتارى ءۇشىن ايتارلىقتاي قيىندىق تۋدىرۋدا. مىسالى, بيىل وبلىس فەرمەرلەرى كورشىلەس ەلدەن كەلگەن ميگرانتتاردىڭ كومەگىنەن ايىرىلدى. سۋ تاپشىلىعى دا ولاردىڭ كوپ جوباسىن ىسكە اسىرۋىنا كەدەرگى بولدى.
وسىعان وراي, بۇۇ جانىنداعى ازىق-ت ۇلىك جانە اۋىل شارۋاشىلىق ۇيىمىنىڭ قازاقستانداعى وكىلدىگىنىڭ باسشىسى “ورتالىق ازيا مەن تۇركيانىڭ قۇرعاقشىلىققا بەيىم جانە سورتاڭدالعان اۋىلشارۋاشىلىق ءوندىرىسىنىڭ لاندشافتتارىندا تابيعي رەسۋرستاردى كەشەندى باسقارۋ” جوباسى اياسىندا COVID-19-تەن ەڭ كوپ زارداپ شەككەن شارۋا قوجالىقتارىنا تەگىن جوڭىشقا تۇقىمى تۇرىندە ءبىر رەتتىك كورسەتۋ تۋرالى شەشىم قابىلدادى.
فاو-گەف ايماقتىق جوباسىنىڭ ۇلتتىق كومانداسى كاسىپكەرلەر پالاتاسى, قىزىلوردا وبلىسى اكىمدىگى جانە وبلىستىق اۋىل شارۋاشىلىعى باسقارماسى ماماندارىمەن بىرلەسىپ, جەرگىلىكتى جەردەگى جاعدايدى زەرتتەپ, وڭىردەگى ەڭ كوپ زارداپ شەككەن فەرمەرلەر مەن ءۇي شارۋاشىلىقتارىنىڭ ءتىزىمىن جاسادى. وعان سىرداريا, شيەلى, جالاعاش جانە قازالى اۋداندارى, سونداي-اق قىزىلوردا قالالىق اكىمشىلىگىنە قاراستى اۋىلدىق وكرۋگتەردەگى ون ءتورت شارۋا قوجالىعى كىرىپ وتىر.
جالپى قۇنى 4,2 ملن تەڭگەنى قۇرايتىن قۇرعاقشىلىققا ءتوزىمدى جوڭىشقا تۇقىمدارى بۇۇ ازىق-ت ۇلىك جانە اۋىل شارۋاشىلىق ۇيىمىنىڭ ايماقتىق جوباسىنىڭ اشىق ساتىپ الۋ راسىمدەرىنە سايكەس جاريالانعان اشىق تەندەر ارقىلى ساتىپ الىندى.
وسىعان وراي وتكەن ءىس-شارادا ايماقتىق جوبالار ۇيلەستىرۋشىسى ماحمۋد شاۋماروۆ ساپاسى جوعارى, قۇرعاقشىلىققا ءتوزىمدى جوڭىشقا تۇقىمى شارۋا قوجالىقتارى ءۇشىن ۇلكەن قولداۋ ەكەندىگىن اتاپ ءوتتى.
– كارانتين جاعدايىندا كاسىپكەرلەر, ونىڭ ىشىندە اگرارلىق سەكتورداعىلار قيىن جاعدايعا تاپ بولدى جانە ءبىز يستساۋزر-2 جوباسىنا قيىن جاعدايدا ۋاقىتىلى كومەك كورسەتكەنى ءۇشىن وتە ريزامىز, - دەيدى قىزىلوردا وبلىسى كاسىپكەرلەر پالاتاسىنىڭ ءبولىم باستىعى جاسۇلان سەرىكوۆ.