ەرىكتىلەر قاتارى ەسەلەپ ارتتى

ۆولونتەرلەر تەك مۇقتاج وت­با­سىلارعا عانا ەمەس, ىندەت كە­زىندە ەرەكشە كوزگە تۇسكەن مە­ديتسينا قىزمەتكەرلەرىنە دە قول­داۋ كورسەتۋدە. «مىڭ العىس!» جال­­پىرەسپۋبليكالىق اكتسياسى اياسىندا 100-دەن اسا مەديتسينا قىز­مەتكەرىنىڭ وتباسىن ازىق-ت ۇلىك ونىمدەرىمەن, 1 700 ماماندى ىستىق تاماقپەن قامتاماسىز ەتۋگە 88 ەرىكتى مەن 25 اۆتوۆولونتەر جۇمىلدىرىلدى.

مۇنان بولەك, Birgemiz. Bilim با­عىتى بويىنشا كوپ­بالالى, الەۋ­مەتتىك جاعىنان از قامتىلعان 650 وتباسىنىڭ مەكتەپ جاسىنداعى بالالارىنا قاجەتتى وقۋ قۇرالدارى الىنىپ بەرىلدى. Birgemiz: Saulyq باعىتى بويىنشا سانيتارلىق تا­لاپتاردىڭ ساقتالۋىن قاداعالاۋ تۇراقتى جۇرگىزىلۋدە. 

بۇل شارالاردىڭ بارلىعى وڭىر­دەگى مەتسەناتتاردىڭ, دەمەۋشى ازاماتتاردىڭ قولداۋىمەن جۇزەگە اسىرىلعانىن ايتا كەتۋ كەرەك. قينالعان جانعا قولۇشىن سوزۋعا دايار ىسكەر ازاماتتار ارقاسىندا كوپ ماسەلە شەشىمىن تاپتى.

مىسالى, جەڭىل ونەركاسىپ سالاسىنداعى بەلگىلى كاسىپورىن – «DALATEX» جشس باسشىسى دىلمۇحامەد ءابيزوۆتىڭ باستاماسىمەن قالا تۇرعىندارىنا 7 000 بەتپەردە تەگىن تاراتىلدى. كۇرىش وندىرىسىندەگى «ابزال ي ك» كومپانياسى  400 وتباسىعا ازىق-ت ۇلىك سەبەتىن ۇلەستىرىپ, 1 كوپبالالى انا­عا باسپانا سىيلادى. «اباي داۋ­لەت» جشس كومەگىمەن 620 000 تەڭگەگە مەديتسينالىق ماسكا تىگە­تىن 4 تىگىن ماشيناسى ساتىپ الىن­دى. 

وسى جازدا كورشىلەس تۇركىستان وبلىسىنداعى ماقتاارال اۋدانى تۇرعىندارىنا سۋ تاسقىنى قاۋىپ توندىرگەن شاقتا دا سىر ەرىك­تىلەرى سىرتتاپ قالعان جوق. ولار وبلىس جۇرتىنان كورشىلەس ءوڭىر تۇر­عىندارى ءۇشىن گۋمانيتارلىق كو­مەك جيناپ, باستاماشىل توپتار مەن 180 ۆولونتەر ونداعان قا­يى­­رىمدىلىق كەرۋەنىن ۇيىم­داستىردى.  

ەرىكتىلەر كۇزدىڭ العاشقى ەكى ايىندا 20-عا جۋىق قايى­رىم­دىلىق شارا ۇيىمداستىرىپ, وتىزدان استام جالعىزباستى قارتقا كومەك بەرىپ, ۇيلەرىنىڭ مۇر­جا­سىن تازالادى, تۇرمىسى تومەن وتبا­سىلارعا ازىق-ت ۇلىك سەبەتتەرى, تۇر­مىسقا قاجەتتى زاتتار, كيىم-كەشەك­ الىندى. 

وڭىردە ۆولونتەرلىك باعىتتاعى شارالاردى قولداۋ باعىتىندا «ەرىك­­تىلەر قوزعالىسىن دامىتۋ» الەۋ­مەتتىك جوباسى جۇزەگە اسى­رى­لۋ­دا. جوباعا وبلىستىق بيۋد­جەت­تەن­ 5 ملن 678 مىڭ تەڭگە قارجى ءبو­لىندى. 

ەلدىڭ بىرلىگى سىنعا تۇسكەن پان­­دەميا كەزىندە جاستاردىڭ ازا­ماتتىق جاۋاپكەرشىلىك پەن بەل­­سەن­دىلىگىنىڭ ارتقانى انىق باي­قال­دى.  مىسالى, وسىدان 1 جىل بۇرىن وبلىستاعى ۆولون­تەر­لەر سانى 150 بولسا, بۇ­گىن­دە ولاردىڭ قا­تارى 1000-عا جۋىق­­تادى. ونىڭ 801-ءى رەسمي ەرىك­تى رەتىندە تىركەلىپ, ءوڭىر­دىڭ قوعام­دىق ومىرىنە بەلسەندى ارالاسىپ, ءوز ۇلەستەرىن قوسىپ كەلەدى.

قيىن ساتتە جۇرت جانىنان تابىلعان ەرىكتىلەر ەڭبەگى دە ەلەۋ­سىز قالعان جوق.  وڭىردەگى 5 مەتسەنات, ۇكىمەتتىك ەمەس ۇيىم­داردىڭ 10 وكىلى, 30 ۆولونتەر مەملەكەت باسشىسىنىڭ جار­لىعىمەن تاعايىندالعان «حالىق العىسى» مەدالىمەن ماراپاتتالدى. سونىمەن قاتار پاندەميا كەزىندە تۇرمىسى تومەن 3 800 وت­باسىنا ازىق-ت ۇلىك ونىمدەرىن ۇلەس­تىرىپ, 30 ميلليون تەڭگەگە وبلىس اۋرۋحانالارىنا 200 دانا وتتەگى كونتسەنتراتورىن الىپ بەر­گەن «ەل-اراي» قوعامدىق قو­رى وبلىستىق «جومارت جۇرەك» سىي­­­لىعىنىڭ «جىلدىڭ ۇزدىك ۇيى­مى» اتالىمىن, قارماقشى اۋدانىنداعى 40 وتباسىنا كو­مەك كورسەتكەن, اۋداندىق اۋرۋ­حا­نا­داعى ناۋقاستارعا ءدارى-دار­مەك­تەر الۋعا دەمەۋشىلىك جا­سا­عان ورىنباسار تولەپوۆ «جىل مەتسەناتى» اتالىمىن يە­لەندى. قازالى اۋدانىنداعى كاسىپ­كەرلەرىمەن بىرلەسىپ 55 وتباسىنى ازىق-ت ۇلىكپەن قامتاماسىز ەت­كەن, اۋداندىق اۋرۋحاناعا تو­سەك جابدىعى مەن قورعانىش كيىم­دەرىن تابىستاعان جاس ۆو­لون­تەر مارحاببات اسانوۆاعا «جىل تۇلعاسى», قىزىلوردا قالاسىنداعى تاۋەلسىزدىك داڭعى­لىنىڭ بويىن كوركەيتۋگە, پاندەميا كەزىندە وكپەگە جاساندى تىنىس بەرەتىن اپپارات پەن وتتەگى كونتسەنتراتورلارىن الۋ­­عا ميلليونداعان قاراجات بول­گەن مەتسەنات روزا يمانوۆاعا «تۋعان ولكە» كاسىپكەر­لەردەن جي­ناق­تالعان 3 000-نان اسا بەت­پەر­دەنى تاراتىپ, جەكە كولى­گىمەن قالا اۋماعىنداعى اۋرۋحانا قىز­مەت­كەرلەرىنە تاماق, ناۋقاس­تار­عا وتتەگى باللوندارىن جەتكىز­گەن دينارا ەشاتوۆاعا «ەرەن ەرىك­تىلىك» اتالىمى تاپسىرىلدى.

«قامقورلىق» داعدارىس ور­تالىعى, «ۇماي» قايىرىم­دىلىق ءۇيى, «شاپاعات»  قوعامدىق قورى دا ورتاق ىسكە ۇلكەن ۇلەس قوسقان, كوپ­تىڭ العىسىنا لايىق ۇيىمدار.

قىزىلوردا