18 قاراشا كۇنى كەشكى مەزگىلدە وبلىستىق جانۋارلار دۇنيەسىن قورعاۋ جانە ورمان شارۋاشىلىعىنىڭ قىزمەتكەرلەرى تاسبوگەت كەنتىندە سەكسەۋىل تيەپ العان «گازەل» اۆتوكولىگىن توقتاتادى. الايدا اۆتوكولىك جۇرگىزۋشىسى قىزمەتكەرلەردىڭ زاڭدى تالاپتارىنا باعىنباي قاشىپ, ءبىر ءۇيدىڭ الدىنا بارىپ توقتاپ, قاسىنداعى جولاۋشى ەكەۋى ورمانشىلارعا كۇش قولدانىپ, دەنە جاراقاتتارىن سالعان.
وسىدان كەيىن ورمانشىلار وقيعا جايلى قىزىلوردا قالالىق پوليتسيا باسقارماسىنىڭ جەدەل باسقارۋ ورتالىعىنا حابارلايدى.
حابارلاما بويىنشا بارعان پوليتسەيلەر كوپ ۇزاماي الگى ازاماتتاردى ۇستادى.تەكسەرۋ بارىسىندا كۇدىكتىلەر 33-34 جاستاعى قالا تۇرعىندارى بولىپ شىقتى. قازىر ولار قالالىق پوليتسيا باسقارماسىنىڭ ۋاقىتشا ۇستاۋ يزولياتورىندا قاماۋدا وتىر. ايعاق زات رەتىندە وقيعا ورنىنان 50 قاپ سەكسەۋىل الىندى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 380 بابىنىڭ 2 بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعانىڭ ءمان-جايى انىقتالۋدا.