كارانتين ءبىلىم الۋعا كەدەرگى ەمەس

ەرەكشە ءبىلىمدى قاجەت ەتەتىن بالالار ءۇشىن 15 ۇيىم جۇمىس ىستەيدى

«ۇزدىكسىز ءبىلىم بەرۋ ۇدەرىسىن قام­تا­ماسىز ەتۋ ماقساتىندا مەكتەپ قورى­نان وقۋشىلارعا 9 700 كومپيۋتەرلىك تەح­نيكا ءبولىندى. جەرگىلىكتى بيۋدجەتتەن قو­سىمشا 8 000 تەحنيكا ساتىپ الىندى. بۇعان قوسا رەسپۋبليكالىق بيۋدجەتتەن 4 087,1 ملن تەڭگە سوماسىنا 26 472 كوم­پيۋتەرلىك تەحنيكا ساتىپ الىنۋدا. قازىر­گى ۋاقىتتا ونىڭ 6 772-ءسى جەتكىزىلدى, 19 700 تەحنيكا قازان ايىنىڭ سوڭىندا جەتكىزىلدى. ەڭ باستىسى, از قامتىلعان, كوپبالالى وتباسىلاردان شىققان بالالار, جەتىم جانە مۇگەدەك بالالار كوم­پيۋتەرمەن قامتاماسىز ەتىلدى. وسى رەت­تە اتا-انالاردىڭ نازارىنا ايتا كە­تە­يىن, ەگەر دە كومپيۋتەرلىك تەحنيكاعا قا­تىستى سۇراقتارىڭىز بولسا, مەكتەپ اكىم­ش­ىلىگىمەن حابارلاسىڭىزدار. قازىرگى ۋا­قىتتا 1-4 سىنىپتاردا بارلىعى 3 246 سىنىپ, وندا 46 557 بالا ءبىلىم الۋدا», دەدى نۇر-سۇلتان قالاسى ءبىلىم باسقار­ما­سىنىڭ باسشىسى شولپان قادىروۆا.

قالانىڭ باس سانيتارلىق دارىگەرىنىڭ اق­پاراتى بويىنشا, ءبىلىم بەرۋ ۇيىم­دا­رىندا COVID-19 جۇقتىرۋدىڭ 35 جاعدايى تىركەلگەن, ونىڭ ىشىندە 31-ءى – بالالار اراسىندا (قاشىقتان – 24, وفلاين – 7) جانە 4 جاعداي – پەداگوگتەر اراسىندا (قاشىقتان – 2, وفلاين – 2). نۇر-سۇلتان قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قا­ۋىپسىزدىگىن باقىلاۋ دەپارتامەنتىنىڭ قىز­مەتكەرلەرى سىنىپتاردا دەزينفەكتسيا جۇرگىزدى. كارانتين رەجىمىنىڭ مەرزىمى وتكەننەن كەيىن, ياعني 14 كۇننەن سوڭ سىنىپتار بۇرىنعى رەجىمگە كوشەدى. بۇل ماسەلە – ءبىلىم باسقارماسىنىڭ ەرەكشە باقىلاۋىندا.

«ارنايى ءبىلىم بەرۋ ۇيىمدارىنىڭ جۇ­مىسىنا ەرەكشە توقتالعىم كەلەدى. ەرەك­شە ءبىلىمدى قاجەت ەتەتىن بالالار ءۇشىن قالامىزدا 15 ۇيىم جۇمىس ىس­تەيدى. ارنايى ۇيىمداردىڭ بەسەۋى – پسي­حولوگيالىق-مەديتسينالىق-پەداگوگي­كا­لىق كونسۋلتاتسيا (پمپك), بەسەۋى – پسي­حولوگيالىق-پەداگوگيكالىق تۇزەتۋ كا­بينەتى (3 فيليال), ەكەۋى – وڭالتۋ ورتا­لى­عى, ۇشەۋى – ارنايى مەكتەپ. ار­نايى ءبىلىم بەرۋ ۇيىمدارىندا 1-دەن 18 جاسقا دەيىنگى ەرەكشە ءبىلىم بەرۋدى قاجەت ەتەتىن 10 مىڭنان اسا بالا تىركەلگەن. ەڭ الدىمەن, پمپك قورىتىندىسى ارناۋ­لى ۇيىمدارعا قابىلداۋ ءۇشىن نەگىز بولادى. قابىلداۋعا الدىن الا جازىلۋ اتا-انالار ءۇشىن ىڭعايلى فورماتتا, ياعني تىكەلەي جۇگىنگەن كەزدە, تەلەفون ارقىلى, سونىمەن قاتار وسى جىلدىڭ تامىز ايىنان باستاپ egov.kz ەلەكتروندى ۇكىمەت پورتالى ارقىلى جۇزەگە اسىرىلادى», دەدى باسقارما باسشىسى.

بۇگىنگى تاڭدا پمپك شتاتتىق رەجىم­دە جۇمىس ىستەيدى, سونىمەن قاتار اتا-انا­ل­اردىڭ ءوتىنىشى بويىنشا ونلاين-تەكسەرۋ مۇمكىن. دامۋ ەرەكشەلىكتەرىنە بايلانىستى ەموتسيونالدى-ەرىكتىك سالا­سى مەن مىنەز-قۇلقى, سونداي-اق ەستۋ جانە كورۋ قابىلەتى بۇزىلعان بالالار شتات­تىق رەجىمدە قابىلدانادى. تىرەك-قيمىل قوزعالىسى بۇزىلعان جانە پسي­حي­كالىق دامۋى كەشەۋىلدەگەن بالالار ونلاين رەجىمدە تەكسەرۋدەن وتە الادى. قاشىقتان جۇمىس ىستەۋ فورماتى كەزە­ڭىن­دە 1 767 بالا ونلاين تەكسەرۋدەن ءوتتى, ونىڭ ناتيجەلەرى بويىنشا ءاربىر با­لا­نىڭ جەكە ءبىلىم بەرۋ مارشرۋتى ازىر­لەن­دى.

ارنايى ءبىلىم بەرۋ ۇيىمدارىنىڭ ارناسى كەڭىدى

نۇر-سۇلتان قالاسى ءبىلىم باس­قار­ما­سىنىڭ مالىمەتىنشە, پسيحو­لو­گيالىق-پە­­دا­­گوگيكالىق تۇزەتۋ كابي­نەت­تە­رى (پپتك) مەن وڭالتۋ ورتالىقتارى دا­مۋ­ى­ندا اۋىتقۋى بار بالالار مەن جاسوسپىرىمدەردى وڭالتۋ جانە الەۋمەتتىك بەيىمدەۋ ءۇشىن كەشەندى قولداۋ كورسەتەدى.

«قازىرگى ۋاقىتتا 1 413 بالا پسيحو­لو­گيالىق-پەداگوگيكالىق كومەك الۋدا. قاشىقتان وقىتۋعا كوشۋگە بايلانىستى بالالاردى تۇزەتۋ-دامىتۋ قىزمەتىمەن قامتۋ 10%-عا ارتقانى بايقالادى. سو­نى­مەن بىرگە ۆيزۋالدى جانە ەموتسيونالدى بايلانىستىڭ بولماۋىنان, اۋتي­زم سەكتورى بۇزىلعان بالالار مەن كورۋ قابىلەتى بۇزىلعان بالالار ءۇشىن قاشىقتان وقىتۋ قيىندىقتار تۋعىزدى. سوندىقتان ولار شتاتتىق رە­جىمگە اۋىستىرىلىپ, جەكە ساباق كەس­تەسى جاسالدى. اتا-انالارعا كەڭەس بەرۋ ونلاين رەجىمدە وتۋدە. بيىل ارنايى ءبىلىم بەرۋ ۇيىمدارىنىڭ جەلىسى ۇل­عاي­دى. شىلدەدە №5 «اسىل ميراس» پسيحولوگيالىق-پەداگوگيكالىق تۇزەتۋ كابينەتى اشىلدى, وندا حالىقارالىق سەرتيفيكاتى بار ماماندار جۇمىس ىستەيدى. جاڭا 2 مەكتەپتىڭ (№8, 89) بازاسىندا ارقايسىسى 30 ورىندىق ينكليۋزيانى قولداۋ كابينەتتەرى اشىلدى. №3 پسيحولوگيالىق-مەديتسينالىق-پەداگوگيكالىق كەڭەس جانە №2 پسيحو­لو­گيالىق-پەداگوگيكالىق تۇزەتۋ كا­بي­نەت­تەرى ءۇشىن شىڭعىس ايتماتوۆ كوشەسى 41/ا مەكەنجايىنان كەڭ عيمارات قاراس­تى­رىلعان. بۇل ءوز كەزەگىندە بالالاردى قام­تۋدى 50%-عا ارتتىرۋعا مۇمكىندىك بەردى», دەلىنگەن باسقارما اقپاراتىندا.

بۇگىندە قالادا زەردە بۇزىلىستارى بار (ينتەللەكت) بالالارعا ارنالعان ارنايى مەكتەپتەر جۇمىس ىستەيدى, وندا 876 وقۋشى قامتىلعان. سونىمەن قاتار سىنىپتارداعى وقۋشى سانى 12-دەن اسپايدى. بيىل №3 ارنايى مەكتەپ ينتەرنات اشىلدى, ال №1 مەكتەپ-ينتەرنات بازاسىندا ۇيدە وقيتىن بالالاردى تۇزەتۋ ءۇشىن رەسۋرستىق ورتالىق جۇمىس ىستەي باس­تادى. ورتالىقتا بالالار تۇزەتۋ-دامىتۋ جانە جەكە ساباقتارعا, ەمدەۋ-ساۋىقتىرۋ شارا­لارىنا (باسسەين, ەدش, ماسساج, فيزيو­تەراپيا) قاتىسادى. سونداي-اق جەتىم بالالار مەن اتا-اناسىنىڭ قام­قور­لىعىنسىز قالعان بالالارعا ارنالعان ەكى ينتەرنات مەكەمەلەرىنىڭ جۇمىسىن اتاپ وتكەن ءجون. بۇل – ومىرلىك قيىن جاع­دايدا جۇرگەن «بالالاردى قولداۋ ور­تا­لىعى» جانە «SOS استانا بالالار اۋى­لى». اتالعان ۇيىمداردا 129 بالا تار­بيە­لەنۋدە, ونىڭ 107-ءسى – مەكتەپ وقۋ­شىلارى. ينتەرناتتىق مەكەمەلەرگە بارۋ COVID-19 انىقتاماسىن ۇسىنعان كەزدە جۇزەگە اسىرىلادى.

«قازىر كارانتين شارالارىنىڭ قاتاڭ­داتىلۋىنا بايلانىستى جالپى ءبىلىم بەرەتىن مەكتەپتەردە ورنالاسقان قوسىم­شا ءبىلىم بەرۋ ۇيىمدارى فيليالدارىنىڭ جۇمىسى توقتاتىلدى, بىراق قوسىمشا ءبىلىم بەرۋ ۇيىمدارى ءوز جۇمىسىن جال­عاس­تىرۋدا. توپتاعى وقۋشى سانى 10-نان اسپايدى. پرەزيدەنتتىڭ جولداۋىندا كورسەتىلگەن بالالار ۇيىرمەلەرى مەن سەك­تسيا­لارىنىڭ قىزمەتىن جانداندىرۋ با­عى­­تى بويىنشا قاراشا ايىنان باستاپ 2 ورتالىق جۇمىسىن باستايدى. اتاپ ايتساق, «ارقا ALAN» ۇلتتىق سپورت تۇرلەرى ورتالىعىندا بالالار قازاق كۇ­رە­سى, اسىق اتۋ, بەس اسىق, توعىزقۇمالاق جانە شاحمات سپورت سەكتسيالارىندا تەگىن اينالىسا الادى. ورتالىق 600-گە جۋىق بالانى قامتيدى. ەكىنشىسى – «Art Tumar» ساندىك-قولدانبالى ونەر ورتالىعى. وندا كوركەم توقۋدى, اعاش­تى كوركەم وڭدەۋدى, زەرگەرلىك ونەر, شىعار­ماشىلىق قۇراق تىگۋدى, ىلمەكتەپ كەس­تە تىگۋدى جانە تەرى مەن سازدى كوركەم وڭ­دەۋ­دى ۇيرەنۋگە مۇمكىندىك بەرىلەدى. ور­تا­­لىق 300-گە جۋىق بالانى قامتيدى. ەكى ورتالىقتىڭ دا سول جاعالاۋدا, قايىم مۇقامەدحانوۆ پەن شىڭعىس ايتماتوۆ كوشەلەرىنىڭ قيىلىسىندا ورنا­لاسقانىن اتاپ وتكىم كەلەدى. سونداي-اق ە-496 كوشەسى, 10/1 جانە 10/2 مەكەنجايى بويىنشا ورنالاسقان تۇرعىن ۇي­لەر­دىڭ ءبىرىنشى قاباتتارىندا بالالار كوركەمونەر مەكتەبى مەن ءال-فارابي اتىن­داعى وقۋشىلار سارايىنىڭ فيليالدارى اشىلدى», دەدى ش.قادىروۆا.

ايتا كەتەتىن جايت, 250-دەن اسا بالانى قامتيتىن تەحنيكالىق شىعارماشىلىق ور­تالىعىندا اشىلاتىن تەحنيكالىق با­عىتتاعى ۇيىرمەلەر وسكەلەڭ ۇرپاق ارا­سىندا ۇلكەن قىزىعۋشىلىق تۋدىرۋدا. ورتالىقتىڭ بۇل فيليالىنىڭ جەكە تۇرعان عيماراتتا ورنالاسۋى ماڭىزدى. فيليال جەلەزنودوروجنىي تۇرعىن اۋدا­نى, جامبىل جاباەۆ كوشەسى №27 مەكەن­­­جايىندا ورنالاسادى. قالانىڭ بار­­لىق ءتورت اۋدانىندا بالالار مەن جاس­وس­پىرىمدەردىڭ دەنەشىنىقتىرۋ كلۋب­تارى جۇمىس ىستەيدى. فۋتبول, ۆولەيبول, باس­­­كەتبول, كوپسايىس جانە ۇلتتىق سپورت تۇرلەرى سپورت سەكتسيالارىندا 576 بالا شۇعىلدانادى. وسى جىلدىڭ سوڭىنا دەيىن تاعى دا تەحنيكالىق شىعار­ما­شى­لىق ورتالىعىنىڭ 2 فيليالى مەن № 90 مەك­تەپتىڭ جانىنان ءبىر Community center اشۋ جوسپارلانۋدا.

كاسىپتىك ءبىلىم بەرۋ جاندانىپ جاتىر

قازىرگى تاڭدا قالا بويىنشا 33 كوللەدج (10 مەملەكەتتىك, 23 جەكەمەنشىك) تەحنيكالىق جانە كاسىپتىك ءبىلىم بەرۋ جۇيە­سىندە قىزمەت كورسەتىپ, 26 مىڭ ستۋدەنتتى قامتىپ وتىر. ونىڭ ىشىندە 14 مىڭنان اسا ستۋدەنت مەملەكەتتىك ءبىلىم بەرۋ تاپسىرىسى بويىنشا وقيدى. 77 مامان­دىق جانە 122 بىلىكتىلىك بويىنشا كادر­لاردى دايارلاۋ جۇزەگە اسىرىلادى.

«2017 جىلدان بەرى «بارشاعا ارنال­عان تەگىن تەحنيكالىق جانە كاسىپتىك ءبىلىم بەرۋ» جوباسى ەكى باعىت بويىن­شا جۇ­زەگە اسىرىلۋدا. ءبىرىنشىسى جەرگى­لىكتى بيۋد­جەت ەسەبىنەن جۇمىسشى مامان­دىق­تارىن جانە ورتا بۋىن بويىنشا كادرلار دايارلاۋ بولسا, ەكىنشىسى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا قولعا الىنعان. جوبا بويىنشا وسى وقۋ جىلىندا مەم­لەكەت­تىك ءبىلىم بەرۋ تاپسىرىسى مەن­شىك نىسانىنا قاراماستان 21 كوللەدجدە 4 652 ورىنعا ورنالاستىرىلدى, ونىڭ ىشىندە «ەڭبەك» مەملەكەتتىك باع­دار­لا­ما­سى بويىنشا – 1 050 ورىن. جو­با­عا وقۋ ورىندارىنا تۇسپەگەن 9-11 سىنىپ تۇلەكتەرى, جۇمىس ىزدەپ جۇرگەن تۇلعالار, از قامتىلعان وتباسىلاردىڭ جانە كوپبا­لالى وتباسىلاردىڭ بالالارى, سون­داي-اق وزگە دە ساناتتاعى ازاماتتار كىرە­دى», دەدى نۇر-سۇلتان قالاسى ءبىلىم باس­قار­ما­سى­نىڭ باسشىسى.

«ەڭبەك» مەملەكەتتىك باعدارلاماسى بويىنشا وقيتىن ستۋدەنتتەرگە ىستىق تاماقپەن قامتاماسىز ەتۋ, شاكىرتاقى جانە جىلىنا ەكى رەتتىك تەگىن جولاقى, ياعني قىسقى جانە جازعى كانيكۋلدار كەزە­ڭىندە قالاارالىق تەمىرجول جانە اۆ­توموبيل كولىگىندە جول ءجۇرۋ قۇنى سياق­تى الەۋمەتتىك كومەك كورسەتىلەتىنىن اتاپ ءوتۋ ماڭىزدى.

تاعى ءبىر ماڭىزدى ءىس-شارانىڭ ءبىرى – WorldSkills قوزعالىسىنىڭ دامۋىنا ەرەكشە كوڭىل ءبولۋ. اتالعان چەمپيوناتقا 2015 جىلى 5 قۇزىرەتتىلىك بويىنشا 6 ستۋدەنت قاتىسقان بولسا, ال 2020 جىلى 37 قۇزىرەتتىلىك بويىنشا 167 قاتىسۋشى بولعان.

«2019 جىلى ۇلتتىق چەمپيوناتتا كوماندالىق ەسەپ بويىنشا 8-ورىن ال­دىق, ەندى الدىمىزعا كوشباسشىلاردىڭ العاشقى ۇشتىگىنىڭ قاتارىنا كىرۋگە مىن­دەت­­تەر قويىپ وتىرمىز. وسىعان باي­لا­نىس­­تى كاسىبي ءبىلىم بەرۋ ساپاسىن ارتتىرۋ بويىنشا تاجىريبە الماسۋعا جانە WSK قوزعالىسىن دامىتۋعا باعىتتالعان. WSK قاتىسۋشىلارى مەن ساراپشىلارىن دايارلاۋدا بىرلەسە جۇمىس جاساۋ ماقساتىندا قازان قالاسىنا كوللەدج باسشىلارىنان قۇرالعان توپ جىبەرىلدى. مامانداردى دايارلاۋ ساپاسىن جاقسارتۋ ءۇشىن قالا كوللەدجدەرى تاتارستان, رەسەي, بەلارۋس, ۋكراينا, يتاليا, فرانتسيا, چەحيا, ۇلىبريتانيا, كورەيا, تۇركيا, گەر­مانيا جانە تاعى باسقا ەلدەردىڭ تەحنيكالىق جانە كاسىپتىك ءبىلىم بەرۋ ۇيىم­دارىمەن ىنتىماقتاسا وتىرىپ, Worldskills حالىقارالىق ستاندارتتارىن ەنگىزۋدە. بيىل دەمونستراتسيالىق ەم­تيحان­دار العاش رەت وتكىزىلدى. ەمتيحان تاپ­­سىر­­مالارى ءبىلىم الۋشىلاردىڭ كا­سى­بي دەڭگەيىن راستايتىن WorldSkills چەم­پيو­نا­تىنىڭ تاپسىرمالارىنا ۇقساس», دەدى ءبىلىم باسقارماسىنىڭ باسشىسى.

«جاس مامان» جوباسى جاڭعىرتۋدى كوزدەيدى

قازىرگى ۋاقىتتا كوللەدجدەردى نە­عۇر­لىم سۇرانىسقا يە 100 كاسىپ بو­يىن­شا جاڭعىرتۋ جانە بىلىكتى مامان­دار دايارلاۋدىڭ حالىقارالىق تاجىري­بە­سىن ەنگىزۋ ماقساتىندا «جاس مامان» رەس­پۋبليكالىق جوباسى ىسكە اسىرىلۋدا. ماقساتقا قول جەتكىزۋ ءۇشىن شە­تەل­­دىك ارىپتەستەرمەن بىرلەسىپ, ءبىلىم بە­رۋ باعدارلامالارى, ونىڭ ىشىندە حالىق­ارالىق سالالىق ستاندارتتار مەن WorldSkills ستاندارتتارىن ەسكەرە وتىرىپ جاڭار­تىلادى.

وسى جوبا اياسىندا پوليتەحنيكالىق كوللەدج, قوعامدىق تاماقتانۋ جانە سەر­ۆيس كوللەدجى, سونداي-اق كاسىپتىك-تەح­ني­­كالىق كوللەدجدى جاڭا فورماتتاعى شەبەرحانالارمەن جانە زەرتحانالارمەن جابدىقتاۋ جۇرگىزىلىپ جاتىر. رەس­پۋب­­ليكالىق بيۋدجەتتەن 969,9 ملن تەڭگە ءبولىندى, جەرگىلىكتى بيۋدجەتتەن جاب­دىق­تار­دى ساتىپ الۋعا 5% (48,5 ملن تەڭگە) كولەمىندە قوسا قارجىلاندىرۋ جاسالدى. بۇگىندە 79 وقىتۋشى مەن وندىرىستىك وقىتۋ شەبەرلەرى جاڭا جابدىقتار بو­يىنشا وقۋدان ءوتىپ, سەرتيفيكاتتار الدى. ناتيجەسىندە اتالعان كوللەدجدەردىڭ بازا­سىندا حالىقارالىق ستاندارتتارعا ساي­كەس زاماناۋي قوندىرعىلارمەن, جاب­­دىقتارمەن قۇزىرەتتىلىك ورتالىق­تارى قۇرىلدى. ولار ءوز ستۋدەنتتەرىن عانا ەمەس, IT, سەرۆيس جانە قىزمەت كورسەتۋ, تۇرعىن ءۇي-تۇرمىستىق جانە كوم­مۋ­نال­دىق شارۋاشىلىق باعىت­تارى بو­يىنشا ءبىلىم بەرەتىن باسقا كول­لەدج­دەر­دىڭ ستۋ­دەنت­­تەرىن, وندىرىستىك وقىتۋ شە­بەر­لەرىن دايارلاۋعا بەيىمدەلگەن الاڭ بولادى.

«جاس مامان» باعدارلاماسىن ىسكە اسىرۋ ەڭبەك نارىعى ءۇشىن بىلىكتى كادر­لار­دى دايارلاۋ پروتسەسىنە جاڭا سەرپىن بە­رەدى. تەحنيكالىق جانە كاسىپتىك ءبىلىم بەرۋ ۇيىمدارىندا وقۋ پروتسەسى قا­شىق­­تان جۇرگىزىلەدى. وسىعان بايلانىس­تى قاجەتتى ادىستەمەلىك ۇسىنىمدار ازىرلەندى. ينتەرنەت رەسۋرستاردا جالپى ءبىلىم بەرەتىن پاندەر بويىنشا 7 014 بەينەساباق, ارنايى پاندەر بويىنشا 6 177 بەينەساباق, 19 415 ادىستەمەلىك ۇسى­نىم­دار, 40 763-تەن اسا تاجىريبەلىك تاپسىرمالار جۇكتەلدى. 1 000-نان اسا پەداگوگ IT قۇزىرەتتىلىك بويىنشا بىلىكتىلىكتى ارتتىرۋ كۋرستارىنان ءوتتى.

ءبىلىم بەرۋدى جاڭعىرتۋ ورتالىعى كوللەدج پەداگوگتەرىنىڭ وقۋ پروتسەسىن جەتىلدىرۋ ماقساتىندا اپتا سايىن, ءار بەيسەنبىدە ۆەبينارلار مەن كەڭەستەر وتكىزەدى. بۇگىنگى تاڭدا قالانىڭ بارلىق كوللەدجىندە ديرەكتوردىڭ ۆيرتۋالدى قابىلداۋ بولمەسى جانە وقىتۋشىلارعا, ستۋ­دەنت­تەرگە جانە اتا-انالارعا ونلاين-كەڭەس بەرۋ شتابى قۇرىلدى. كوللەدج­دەر­دىڭ 100%-ى Platonus, Google Classroom, Edu page, سونىمەن بىرگە Moodle, Sova اقپاراتتىق ءبىلىم رەسۋرستارىندا جۇمىس ىستەۋدە. سانيتارلىق نور­ما­­لاردى ساقتاۋ بويىنشا كوللەدجدەر مەن جاتاق­حانالاردا سانيتايزەرلەر, توننەلدەر ورناتىلعان. بۇگىندە دەزينفەك­تسيا­لىق قۇرالداردىڭ قورى جەتكىلىكتى.

كومپيۋتەرلەرى جوق وقىتۋشىلار مەن ستۋ­دەنتتەر كوللەدجدەر تاراپىنان ۋا­قىتشا پايدالانۋعا بەرىلگەن كوم­پيۋ­تەر­لەرمەن قامتاماسىز ەتىلگەن. باسقا قا­لادان كەلگەن ستۋدەنتتەر كوللەدج جاتاقحانالارى مەن حوستەلدەرگە ورنا­ل­استىرىلدى, وندا ولارعا وقۋ ءۇشىن قو­لايلى جاعدايلار جاسالعان.