جىل سايىن جوعارى وقۋ ورىندارىنىڭ رەكتورلارى قارجىلىق-شارۋاشىلىق قىزمەت پەن عىلىمي-زەرتتەۋ, وقىتۋ جۇمىستارى جونىندە حالىق الدىندا ەسەپ بەرەدى, دەپ حابارلايدى Egemen.kz
بۇل تۋرالى بۇگىن ءبىلىم جانە عىلىم ۆيتسە-ءمينيسترى ميراس داۋلەنوۆ ورتالىق كوممۋنيكاتسيالار قىزمەتىندەگى بريفينگتە ەسكە سالدى.
"جوو-لاردى ءتورت سانات بويىنشا سارالاۋ ماڭىزدى باعىت بولىپ وتىر. بۇل – حالىقارالىق تاجىريبە. بۇل جوعارى وقۋ ورىندارىنىڭ قانداي دەڭگەيدە ەكەنىن تۇسىنۋگە قاجەت. جوو-لاردى سارالاۋ نەگىزىندە تۇلەكتەردى جۇمىسقا ورنالاستىرۋ دەڭگەيى, ەلدىڭ, ءوڭىردىڭ, قانداي دا ءبىر سالانىڭ دامۋىنا قوسقان ۇلەسى بولادى, وسىلايشا اكادەميالىق دەربەستىك بىرتە-بىرتە كەڭەيەدى", دەپ ءتۇسىندىردى ۆيتسە-مينيستر.
ۆيتسە-ءمينيستردىڭ ايتۋىنشا, ەكىنشى ماڭىزدى نارسە – جوو-لاردىڭ باسقارۋ دەربەستىگىن قامتاماسىز ەتۋ. وسى باعىتتاعى جۇمىس تۇبەگەيلى قايتا قۇرىلدى. ەندى جوو-لار القالىق باسقارۋ ورگاندارىن, فورمالارىن ايقىنداي الادى جانە زاڭدى تۇرعىدا ولاردىڭ ناقتى تۇرلەرىن, باسقارۋ ورگاندارىن ايقىنداۋ شەكتەلمەيدى.
"جوعارى ءبىلىم ساپاسىنا قويىلاتىن تالاپتاردى ارتتىرامىز. ياعني, ءبىزدىڭ تاراپىمىزدان جوعارى ءبىلىم بەرۋ جۇيەسى مەملەكەتتىك ستاندارتتار, جوو قىزمەتىنىڭ ۇلگىلىك ەرەجەلەرى ارقىلى رەتتەلەدى. وسىعان بايلانىستى ءبىز جىل سايىن جوو رەكتورلارى وقۋ ورنىنىڭ قارجىلىق-شارۋاشىلىق قىزمەتى, عىلىمي-زەرتتەۋ جانە وقۋ جۇمىستارى بويىنشا جۇرتشىلىق الدىندا ەسەپ بەرەتىنىن كوزدەپ وتىرمىز. بۇل "حالىق ۇنىنە قۇلاق اساتىن مەملەكەت" تۇجىرىمداماسىنداعى وتە ماڭىزدى ءسات. تاعى ءبىر ايتا كەتەرلىگى – شەتەلدىك جوعارى وقۋ ورىندارىنداعى ءبىلىم الۋشىلار مەملەكەتتىك تاپسىرىس بەرىلگەن نەمەسە حالىقارالىق اككرەديتاتسياسى بار جوعارى وقۋ ورىندارىنا اۋىستىرىلادى. بۇل دا ءبىلىم ساپاسىن ارتتىرۋعا باعىتتالعان", دەدى م.داۋلەنوۆ.