كوروناۆيرۋس پاندەمياسىنا بايلانىستى 2014 جىلعى وليمپيا ويىندارىنىڭ قولا جۇلدەگەرى دەنيس تەنگە ارنالعان مانەرلەپ سىرعاناۋدان حالىقارالىق تۋرنير وتپەيتىن بولدى.
ۇلتتىق وليمپيادا كوميتەتىنىڭ حابارلاۋىنشا, حالىقارالىق كونكيشىلەر وداعىنىڭ رەسمي سايتى بۇل جايىندا ارنايى مالىمدەمە جاساعان. ISU كۇنتىزبەسى بويىنشا Denis Ten Memorial Challenge دوداسى 29 قازان مەن 1 قاراشا ارالىعىندا الماتى قالاسىندا وتەدى دەپ جوسپارلانعان بولاتىن. ايتا كەتەرلىگى, دەنيس تەندى ەسكە الۋعا ارنالعان حالىقارالىق باسەكە بيىل ەكىنشى مارتە وتكىزىلۋى ءتيىس ەدى.
«دەنيس تەن مەموريالى» ءبىرىنشى رەت 2019 جىلى 10-13 قازان كۇندەرى الماتى قالاسىنداعى «حالىق ارەنا» سپورت كەشەنىندە ۇيىمداستىرىلعان بولاتىن.