قازاقستاننىڭ ءىرى يننوۆاتسيالىق Kaspi.kz كومپانياسى London Stock Exchange (LSE) جانە Astana International Exchange-دە (AIX) IPO-نىڭ تابىستى وتكەنى تۋرالى حابارلادى.
ءبىر دەپوزيتارلىق قولحات بويىنشا ۇسىنىستىڭ باستاپقى باعاسى 33,75 دوللار دەڭگەيىندە بەلگىلەندى, بۇل كومپانيانىڭ نارىقتا كاپيتالدانۋى 6,5 ميلليارد دوللارعا تەڭ ەكەنىن بىلدىرەدى. London Stock Exchange-دەگى ءبىرىنشى كۇننىڭ ساۋدا-ساتتىق قورىتىندىسى بويىنشا Kaspi.kz-ءتىڭ قۇنى 20%-دان استى.
Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە بۇل تۋرالى بىلاي دەدى: ء«بىز الەمنىڭ ەڭ بەدەلدى جانە ءىرى ينۆەستيتسيالىق كومپانيالارىن قازاقستان مەن Kaspi.kz-ءتىڭ ينۆەستيتسيالىق تارتىمدىلىعىنا سەندىرە العانىمىزعا قۋانىشتىمىز. ءبىزدىڭ تابىستى ءىرو قازاقستاندى الەمنىڭ يننوۆاتسيالىق كارتاسىنا ەنگىزۋگە جانە الەمنىڭ ءىرى ينۆەستورلارىنا ەلىمىزدىڭ قارقىندى تسيفرلىق ترانسفورماتسياسىنا قاتىسۋعا مۇمكىندىك بەرەدى. سۇيىكتى كليەنتتەرىمىزدىڭ ءومىرىن جاقسارتۋ تۋرالى ميسسيامىزعا سايكەس ەلدەگى ەڭ تانىمال سۋپەر-قوسىمشا – Kaspi.kz-ءتى ءارى قاراي دامىتامىز جانە كليەنتتەرىمىز بەن سەرىكتەستەرىمىزگە, قازاقستانعا بۇدان دا جوعارى تابىس اكەلەمىز».
ال Kaspi.kz ديرەكتورلار كەڭەسىنىڭ توراعاسى جانە تەڭ قۇرىلتايشىسى ۆياچەسلاۆ كيم: «Kaspi.kz تاريحى ون جىلدان استام ۋاقىت بۇرىن باستالدى. وسى مۇمكىندىكتى پايدالانىپ, كومپانيانىڭ تابىسقا جەتۋ جولىندا ماڭىزدى ءرول اتقارعان ەرەكشە تالانتتى جانە ادال كوماندامىزدىڭ ءاربىر مۇشەسىنە العىس ايتقىم كەلەدى. ءبىز اۋەلدەن-اق ەلىمىزدى تسيفرلاندىرۋدىڭ الدىڭعى قاتارىندا جۇردىك. قازاقستاندا مەملەكەت يننوۆاتسيالىق كاسىپكەرلىكتى دامىتۋ ءۇشىن وتە قولايلى مۇمكىندىكتەردى ۇسىنىپ, قالىپتاستىرۋدا. وسى ارقىلى Kaspi.kz سىندى يننوۆاتسيالىق جانە تەحنولوگيالىق كومپانيالار قالىپتاسۋدا. ءبىزدىڭ تابىستى ءىرو قازاقستاننىڭ ينۆەستيتسيالىق تارتىمدىلىعىن جاڭا دەڭگەيگە كوتەرىپ, باسقا قازاقستاندىق كومپانيالارعا الەمدىك نارىق كاپيتالىنا شىعۋعا مۇمكىندىك بەرەدى دەپ سەنەمىز», دەدى.
ايتا كەتەلىك, Kaspi.kz ميسسياسى – كليەنتتەردىڭ ءومىرىن جاقسارتۋعا ارنالعان يننوۆاتسيالىق ونىمدەر مەن قىزمەتتەر كورسەتۋ. ءبىزدىڭ يننوۆاتسيامىزدىڭ نەگىزىندە ءوز سالاسىنداعى جالعىز جانە ەلدەگى ەڭ تانىمال, 7 ميلليوننان استام قازاقستاندىق ازامات قولداناتىن ءموبيلدى سۋپەرقوسىمشا Kaspi.kz تۇر. Kaspi.kz ءموبيلدى سۋپەرقوسىمشاسىنىڭ كومەگىمەن كليەنتتەرىمىز تولەم مەن اۋدارىم جاساپ, جەكە قاراجاتتارىن باسقارادى جانە جەتكىزۋ قىزمەتىمەن ءتيىمدى ونلاين رەجىمدە زات ساتىپ الادى. Kaspi.kz-ءتىڭ 10 مىڭ قىزمەتكەرىنىڭ ارقايسىسى كۇن سايىن ءبىزدىڭ سۇيىكتى كليەنتتەرىمىزدىڭ ءومىرىن جاقسارتىپ, يننوۆاتسيالارىمىزبەن تاڭعالدىرۋ ءۇشىن بار كۇشىن سالادى دەيدى كومپانيا ماماندارى.