الماتىدا اۋىلشارۋاشىلىق ونىمدەرىنىڭ جارمەڭكەسى وتەدى

جاڭا ماۋسىمدى اشۋعا تالدىقورعان, قاپشاعاي, تەكەلى قالالارى جانە الماتى وبلىسىنىڭ 17 اۋدانىنىڭ اۋىلشارۋاشىلىق ونىمدەرىن وندىرۋشىلەرى كەلەدى, سونىمەن قاتار جارمەڭكەگە "جەتىسۋ" اكك "ۇك" اق دا قاتىسادى.

جارمەڭكەگە قاتىستى شارالار قالانىڭ بىردەن ەكى اۋدانىندا تاڭعى ساعات 8.00-دەن كەشكى ساعات 17.00-گە دەيىن وتەدى: "استانا" الاڭىندا (ابىلاي حان داڭعىلىنان ن.نازارباەۆ داڭعىلىنا دەيىن) جانە "الاتاۋ" كونتسەرت زالى اۋماعىندا (نۇركەنت ىقشاماۋدانى, 6).

الماتى تۇرعىندارى مەن قالا قوناقتارىنا جالپى كولەمى 400 توننادان اساتىن 50-دەن استام ءونىم تۇرلەرى ۇسىنىلادى, ولار:

ەت ونىمدەرى – 60 توننا, جەمىستەر مەن كوكونىستەر – 180 توننا, ءسۇت ونىمدەرى – 21 توننا, بالىق ونىمدەرى – 16,2 توننا, باسقا ونىمدەر – 126 توننا.

ازىق-ت ۇلىك ونىمدەرىنىڭ  باعاسى نارىقتاعى ورتاشا دەڭگەيدەن 10-15%-عا تومەن بولادى.

ەسكە سالساق, كەڭەيتىلگەن اۋىلشارۋاشىلىق جارمەڭكەلەرى ازاماتتاردى قولجەتىمدى باعا بويىنشا ساپالى جانە ءارتۇرلى ونىمدەرمەن قامتاماسىز ەتۋ ماقساتىندا وتكىزىلەدى.

الماتىدا جاقىن كۇندەرى جامبىل مەن تۇركىستان وبلىستارىنىڭ قاتىسۋىمەن وسىنداي شارالار وتكىزۋ جوسپارلانۋدا. قوسىمشا حابارلايمىز, شارالار وتەتىن نىسانداردا سانيتارلىق-ەپيدەميالىق نورمالاردى, ونىڭ ىشىندە "ماسكالىق" رەجىمدى, قول گيگيەناسىن (قولعاپتار, انتيسەپتيكتەر) جانە الەۋمەتتىك قاشىقتىقتى بەرىك ۇستانۋ قاتاڭ تالاپ ەتىلەدى.