جامبىل وبلىسىنىڭ بايزاق اۋدانىندا 30 جىلدان بەرى سۋارمالى سۋسىز وتىرعان اباي جانە بىرلىك اۋىلدارى كەلەسى جىلدان باستاپ سۋمەن قامتىلاتىن بولدى. بۇل تۋرالى «قازسۋشار» رمك جامبىل وبلىستىق فيليالىنىڭ ديرەكتورى قازىبەك بەدەباەۆ مالىمدەدى, - دەپ حابارلايدى Egemen.kz
ونىڭ سوزىنشە, قازىرگى تاڭدا بايزاق اۋدانىندا ۇزىندىعى 21 شىقىرىم 800 مەترلىك تەمىر-بەتوندى وتەمىس كانالىنىڭ ارنا سالىنۋدا. "بۇل ۇزاق جىلدار بويى ەگىنىن سۋارا الماي وتىرعان شارۋالاردىڭ ماسەلەسىن شەشىپ بەرمەك",- دەدى ق. بەدەباەۆ.
بيىلعى ۆەگەتاتسيالىق كەزەڭ ءساۋىر ايىندا باستالعان. وبلىستىڭ ەگىندى القاپتارىنا كەلەتىن سۋارمالى سۋدىڭ 82 پروتسەنتى ترانسشەكارالىق وزەندەردەن كەلەدى. الايدا, بيىلعى جىلعى سۋ تاپشىلىعى ءبىراز قيىندىقتار تۋدىرعان. دەگەنمەن «قازسۋشار» رمك جامبىل وبلىستىق بولىمشەسى وبلىس بويىنشا 550 ملن تەكشە مەترى شارۋالارعا ۇلەستىرىلدى.
«بۇل تەك جامبىل وبلىسىندا عانا ەمەس, بۇكىل قازاقستاندا, ورتا ازيا ەلدەرىندە ورىن الىپ جاتقان جايت. كورشى ەلدەردە دە سۋ از. دەگەنمەن «قازسۋشار» رمك جامبىل وبلىستىق فيليالىنىڭ قىزمەتكەرلەرى كۇندىز-ءتۇنى كەزەكشىلىك جاساپ, اۋىلدارعا كەزەكپەن سۋ بەرۋ ارقىلى سۋ اينالىمىن جاساپ, شارۋالارعا قاجەتتى سۋىن بەردى. اۋىل شارۋاشىلىعى باسقارماسىنىڭ دەرەگ بويىنشا بارلىق شارۋالار ەگىندەرىن جيناپ الدى. قۋراپ قالعان ەگىن جوق»,- دەدى ق.بەدەباەۆ.
سونداي-اق, وڭىردە ەسكى جەلىلەر مەن سۋ نىساندارى جاڭارتۋ جۇمىستارى قارقىندى جۇرگىزىلۋدە. جامبىل اۋدانىندا «ينجەنەرلى-درەناجداردى باسقارۋ باعدارلاماسىنىڭ» ەكىنشى تولقىنى اياسىندا «كەيكى» كانالىندى بۇعان دەيىن سۋ جەرگە قوسىلعان ارنامەن اعىپ كەلسە, كەلەسى ۆەگەتاتسيالىق كەزەڭدە شارۋالار لوتوك كانالدار ارقىلى «تەحنيكالىق جوعالتۋسىز» سۋ الاتىن بولادى. مەركى اۋدانىندا دا تەمىر-بەتوندى ارنالار مەن لوتوك كانالدارىنىڭ قۇرىلىسى قارقىندى جۇرگىزىلۋدە.
جالپى جامبىل وبلىسىندا 229,7 مىڭ گەكتار سۋارمالى جەر بار. "قازسۋشار" رمك جامبىل فيليالى سونىڭ 169,6 مىڭ گەكتارىنا قىزمەت كورسەتەدى.
شۋ-تالاس باسسەيندىك ينسپەكتسياسى 2020 جىلى 3 637,639 ملن شارشى مەتر سۋ تۇتىنۋعا رۇقسات بەرگەن. ونىڭ ىشىندە 2054,913 ملن. م3 سۋارۋعا جانە 1582,726 تەحنيكالىق قاجەتتىلىكتەرگە قاراستىرىلعان. نەگىزىنەن, سۋ ترانسشەكارالىق شۋ, تالاس جانە اسا وزەندەرىنەن الىنادى. سونىڭ ىشىندە 80 پروتسەنتىن كورشى قىرعىز رەسپۋبليكاسى بەرەدى. سونىمەن قاتار, ىشكى كىشى وزەندەر - اقساي, كوكساي, قاقپاتاس, قاراكونىز, مەركى, اسپارا سەكىلدى ارقىلى سۋارادى.
2020 جىلى "قازسۋشار" رمك جامبىل فيليالى 2 475 اۋىل شارۋاشىلىعى تاۋارىن وندىرۋشىلەرمەن سۋ جەتكىزۋ بويىنشا شارت جاساستى. وعان ساي, 118,8 مىڭ گەكتار سۋارمالى جەرگە 1 025,0 ملن. م3 سۋمەن قامتۋى ءتيىس بولاتىن.
الايدا, ءساۋىر مەن قىركۇيەك ارالىعىندا, ياعني ۆەگەتاتسيالىق كەزەڭدە 79,66 مىڭ گا الاڭعا 550 ملن. م3 كولەمىندە عانا سۋ بەرىلدى.
ونىڭ ىشىندە كەلەسى اۋىل شارۋاشىلىعى داقىلدارىنا:- ءداندى داقىلدار 18,331 مىڭ گا الاڭعا 39,557 ملن. م3 سۋ ;- جۇگەرى 12,099 مىڭ گا الاڭعا 58,164 ملن. م3 سۋ;- قانت قىزىلشاسى 2,888 مىڭ گا الاڭعا 24,909 ملن. م3 سۋ;- كارتوپ 0,793 مىڭ گا الاڭعا 3,464 ملن. م3 سۋ;- كوكونىستەر 9,721 مىڭ گا الاڭعا 108,271 ملن. م3 سۋ;- باقشا داقىلدارى 2,989 مىڭ گا الاڭعا 15,964 ملن. م3 سۋ;- جوڭىشقا 29,596 مىڭ گا الاڭعا 274,243 ملن. م3 سۋ;- كۇنباعىس 1,540 مىڭ گا الاڭعا 11,115 ملن. م3 سۋ;- باقشالار 1,709 مىڭ گا الاڭعا 14,609 ملن. م3 سۋ.
«قازگيدرومەت» رمك بيىل سۋ از بولادى دەپ پايىمداعان ەدى. ياعني سۋدىڭ مولشەرى جىلداعىدان 15-40% تومەن دەپ بولجام جاساعان بولاتىن. ماسەلەنى شەشۋ ءۇشىن فيليال ۆەگەتاتسيالىق كەزەڭ باستالعانعا دەيىن وبلىستىق جانە اۋداندىق اكىمدىكتەرگە, سونداي-اق اۋىلشارۋاشىلىق تاۋار وندىرۋشىلەرىنە سۋارمالى سۋدى ۇتىمدى پايدالانۋ مەن ىلعال سۇيەتىن داقىلداردى از ەگۋ جانە ىلعال ۇنەمدەيتىن تەحنولوگيالاردى قولدانۋ كەرەكتىگىن ەسكەرتكەن. بۇدان بولەك, داقىلداردى ەگۋ كەزىندە وندىرىستىك الاڭدارىمەن كەلىسۋ تۋرالى ۇسىنىس ايتقان.
سۋارمالى سۋ تاپشىلىعىنىڭ قازىرگى جاعدايىن ەسكەرە كەلە, وبلىس جانە اۋدان اكىمدىكتەرىنىڭ وكىلدەرىمەن بىرگە قورداي, مەركى, جامبىل, بايزاق, تالاس جانە جۋالى اۋداندارىنداعى اۋىلشارۋاشىلىق تاۋار وندىرۋشىلەرىنە ءتۇسىندىرۋ جۇمىستارى جۇرگىزىلدى. سۋ اينالىمى, تۇنگى جانە سۋارۋدىڭ باسقا تۇرلەرى بويىنشا كەستەلەر جاسالدى. بۇل سۋدى مەيلىنشى ءتيىمدى پايدالانۋعا مۇمكىندىك بەردى.