شىمكەنتتە قۇس تۇماۋىنىڭ الدىن الۋ ماقساتىندا ءۇي قۇستارىنا جاپپاي ەكپە جاسالىپ جاتىر, دەپ حابارلايدى Egemen.kz
اۋىل شارۋاشىلىعى مينيسترلىگىنە قاراستى ۆەتەريناريالىق باقىلاۋ جانە قاداعالاۋ كوميتەتىنەن شىمكەنتكە قۇس تۇماۋىنا قارسى 33 مىڭنان استام دوزاعا لايىقتالعان ەكپە بولىنگەن. قازىر بۇل ۆاكتسينالار قالاداعى 6 ۆەتەريناريالىق بەكەتكە تاراتىلىپ بەرىلدى. قالا اۋماعىنداعى سۋ قويمالارىنا جاقىن ورنالاسقان ەلدى مەكەندەردەگى ءۇي قۇستارىنا ەكپە جۇمىستارى جاسالىپ جاتىر. الداعى كۇندەرى شاھارعا تاعى دا قوسىمشا 70 مىڭ دوزا ۆاكتسينا اكەلىنەدى.
ايتا كەتەيىك, قالادا جانە وعان قاراستى ەلدى مەكەندەردە قۇس تۇماۋى اۋرۋى تىركەلمەگەن. جالپى وڭىردەگى ەپيزووتيالىق احۋال تۇراقتى.
نۇرسۇلتان كەنجەباەۆ, قالالىق اۋىل شارۋاشىلىعى جانە ۆەتەريناريا باسقارماسى باسشىسىنىڭ ورىنباسارى: "وزەن-كولدەرگە جابايى قۇستار كەلىپ قوناتىن ءسات. سول قاۋىپ ءبىرىنشى جابايى قۇستاردان كەلەدى. قۇس فابريكالارى ەكپە ەگۋ جۇمىستارىن ءوز قاراجاتى ەسەبىنەن جۇرگىزەدى", دەيدى ول.
مەملەكەتتىڭ ەسەبىنەن تەك قانا ءۇي قۇستارىنا ەكپە ەگۋدى جۇرگىزەمىز. شىمكەنت قالاسىندا بۇگىنگى كۇندە 969 مىڭ باس قۇس بار. ونىڭ 466 مىڭ باسى جۇمىرتقا باعىتىندا. ودان قالعان 373 مىڭ باس قۇس ول ءۇي ىرگەلىك جەرلەردە.