مەملەكەت باسشىسىنىڭ تاپسىرماسى بويىنشا ۇلى ويشىل, اقىن, قازاق جازبا ادەبيەتىنىڭ نەگىزىن قالاۋشى اباي قۇنانباي ۇلىنىڭ 175-جىلدىعىنا وراي قازاقستاننىڭ گەرمانياداعى ەلشىسى داۋرەن كارىپوۆ اباي شىعارماشىلىعىنىڭ اۋدارماشىسى, كىتاپ اۆتورى, بەلگىلى نەمىس ادەبيەتتانۋشىسى لەونارد كوشۋتقا ءىى دارەجەلى "دوستىق" وردەنىن تابىستادى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
جوعارى ناگرادانى ەلشىلىك عيماراتىندا سالتاناتتى تۇردە تابىستاۋ كەزىندە ەلشى ل.كوشۋتقا اباي تۋىندىلارىن نەمىس ءتىلدى وقىرماندارعا تانىستىرۋ ارقىلى قازاقستان مەن گەرمانيا اراسىنداعى دوستىق قارىم-قاتىناستى نىعايتۋعا جىلدار بويى شىعارماشىلىق ۇلەس قوسقانى ءۇشىن العىس ءبىلدىردى.
ل.كوشۋت 1923 جىلى 25 شىلدەدە دۇنيەگە كەلگەن. ونىڭ كاسىبي قىزمەتى ورىستىڭ كلاسسيكالىق جانە حح عاسىرداعى سوۆەت وداعىنىڭ ادەبيەت شىعارمالارىن نەمىس تىلىنە اۋدارۋمەن بايلانىستى بولدى.
قر-دىڭ گفر-داعى ەلشىلىگىنىڭ "قازاق كىتاپحاناسى" جوباسى اياسىندا 2007 جىلى گەرولد بەلگەردپەن بىرگە ل.كوشۋت ابايدىڭ "قارا سوزدەرىن" نەمىس تىلىنە اۋداردى, ال 2018 جىلى "Zwanzig Gedichte" دەپ اتالاتىن نەمىس تىلىندەگى اباي ولەڭدەرىنىڭ جيناعىن جاريالادى.
سونىمەن قاتار, ل.كوشۋت ولجاس سۇلەيمەنوۆتىڭ "كوشپەندىلەر ازيمۋتى" اتتى پوەزيا جيناعىن نەمىس تىلىنە اۋدارعان.