بۇل تۋرالى اقوردانىڭ ءباسپاسوز قىزمەتى حابارلادى, دەپ جازادى Egemen.kz.
باعدات باتىربەك ۇلى مۋسين قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى بولىپ تاعايىندالسىن.
قازاقستان رەسپۋبليكاسىنىڭ
پرەزيدەنتى ق.توقاەۆ
نۇر-سۇلتان, اقوردا, 2020 جىلعى 2 قىركۇيەك
№ 396
ايتا كەتەيىك, مۋسين باعدات باتىربەك ۇلى 1983 جىلى 3 ناۋرىزدا پاۆلودار وبلىسىنىڭ ەكىباستۇز قالاسىندا تۋعان. سۇلەيمەن دەميرەل اتىنداعى ۋنيۆەرسيتەتتى "ينجەنەر-جۇيە تەحنيگى" ماماندىعى بويىنشا, قازاق قۇقىقتانۋ جانە حالىقارالىق قاتىناستار ينستيتۋتىن "زاڭگەر" ماماندىعى بويىنشا بىتىرگەن.
ەڭبەك جولىن ينجەنەر-باعدارلاماشى بولىپ باستادى, ادىلەت مينيسترلىگىنىڭ "رەسپۋبليكالىق قۇقىقتىق اقپارات ورتالىعى" رمك اج سۇيەمەلدەۋ ءبولىمىنىڭ باستىعى, قر ادىلەت مينيسترلىگىنىڭ ەكونوميكا جانە قارجى دەپارتامەنتى اقپاراتتىق تەحنولوگيالار باسقارماسىنىڭ باستىعى بولىپ جۇمىس ىستەدى, قر بايلانىس جانە اقپارات مينيسترلىگىنىڭ قۇرىلىمىندا باسشىلىق قىزمەتتەردى اتقاردى, "ۇلتتىق اقپاراتتىق تەحنولوگيالار" اق, "قازپوشتا" اق, قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىن باسقاردى. قر پرەزيدەنتىنىڭ تسيفرلاندىرۋ جانە يننوۆاتسيالىق تەحنولوگيالار جونىندەگى كەڭەسشىسى بولدى.