بۇگىن ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءوزىنىڭ Twitter-ىندە قازاقستاندىق تابيعات قورعاۋشىلارىنىڭ ۇسىنىسىن قاراستىراتىنىن مالىمدەدى, دەپ حابارلايدى Egemen.kz
"مينيسترلىك اتىنان وسى ماسەلەگە الاڭداۋشىلىق ءبىلدىرىپ, ازاماتتىق ۇستانىمىن تانىتقان ادامدارعا العىسىمىزدى ايتامىز", دەيدى ەكولوگيا ءمينيسترى.
ماعزۇم مىرزاعاليەۆتىڭ پىكىرىنشە, ەكولوگيا مينيسترلىگى دەلفيناريلەردىڭ جابىلۋى تۋرالى قازاقستاندىق جانۋارلار ساقشىلارىنىڭ ۇسىنىسىن قاراستىراتىن بولادى. دەلفيناريدەگى دەلفيندەردى ۇستاۋ جاعدايىن ەسكەرە وتىرىپ, مينيسترلىك "جان-جانۋارلارعا جاۋاپكەرشىلىكپەن قاراۋ" زاڭناماسىنىڭ شەڭبەرىندە جابۋ ماسەلەسى تۋرالى ناقتىلادى.
"بۇل اياق استىنان پايدا بولعان ماسەلە ەمەس. سوندىقتان ونىڭ شەشىلۋى ءۇشىن بەلگىلى ءبىر ۋاقىت كەرەك. حالىقارالىق تاجىريبەلەر ەسكەرىلۋى قاجەت. "جانۋارلارعا جاۋاپكەرشىلىكپەن قاراۋ" تۋرالى زاڭنىڭ جوباسىندا ءدال وسى گۋمانيزم پرينتسيپتەرى نەگىز بولادى", دەيدى ماعزۇم مىرزاعاليەۆ.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.