ەلوردا مەشىتتەرى ەلىمىزدە توتەنشە جاعداي جاريالانعاننان باستاپ حالىققا مەيلىنشە قولۇشىن بەرىپ كەلەدى. وسى ءۇردىس بويىنشا بۇگىن قازاقستان مۇسىلماندارى ءدىني باسقارماسى نۇر-سۇلتان قالاسى وكىلدىگى ەلوردامىزداعى ءتورت اۋرۋحاناعا دەنەدەگى ساتۋراتسيا دەڭگەيىن انىقتايتىن مەديتسينالىق قۇرىلعىلاردى تارتۋ ەتتى. بۇل تۋرالى قمدب ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
اتاپ وتسەك, رەسپۋبليكالىق "ازىرەت سۇلتان" مەشىتى, نۇر-سۇلتان قالاسىنىڭ باس يمامى ەربولات ءجۇسىپوۆتىڭ باسشىلىعىمەن №1 قالالىق اۋرۋحانا, №2 پەريناتالدىق ورتالىق, نۇر-سۇلتان قالاسىنىڭ ورتالىق جول اۋرۋحاناسى, نۇر-سۇلتان قالاسى اكىمدىگىنىڭ شجق "كوپسالالى مەديتسينا ورتالىعىنا" جوعارىدا اتالعان مەديتسينالىق قۇرىلعىلار حالىق يگىلىگى ءۇشىن تابىس ەتىلدى.
دارىگەرلەردىڭ ايتۋىنشا, قازىرگى ۋاقىتتا اتى جامان اۋرۋدىڭ ءبىرشاما بەتى قايتقان كورىنەدى. دەسە دە, قيىن-قىستاۋ كەزەڭدە مۇمكىندىگىنشە قولۇشىن بەرىپ, قولداۋ ءبىلدىرىپ جاتقان قمدب نۇر-سۇلتان قالاسى وكىلدىگىنە ءوز العىستارىن ايتىپ جاتتى.