جاسوتاندىقتار مەديتسينا قىزمەتكەرلەرىنە "العىس پاكەتتەرىن" تاپسىردى

قالادا كوروناۆيرۋسقا قارسى كۇرەسكە 2,5 مىڭنان استام مەديتسينا قىزمەتكەرى جۇمىلدىرىلعان.

بۇگىن كوروناۆيرۋسقا قارسى كۇرەس كەزىندە وتاندىق دارىگەرلەردى قولداۋ اياسىندا جاسوتاندىقتار "العىس پاكەتتەرىن" تاراتۋ اكتسياسىن ۇيىمداستىردى.

ءاربىر پاكەتكە دارىگەرلەرگە ارنالعان ۆيتاميندەر مەن پايدالى ونىمدەردىڭ وننان استام ءتۇرى سالىنعان. ايتا كەتەرلىگى, ونىمدەر دارىگەرلەردىڭ ۇسىنىسى بويىنشا سالىنعان. اكتسيا ەلىمىزدىڭ بارلىق وڭىرلەرىندە جالعاسىن تابۋدا.

"بۇگىن ءبىز, جاسوتاندىقتار, ءبىزدىڭ ەرجۇرەك دارىگەرلەرىمىز ءۇشىن اكتسيا ۇيىمداستىردىق. ويتكەنى, ولار بۇكىل قوعامدى ابىگەرگە سالعان كوروناۆيرۋس پاندەمياسىمەن كۇندەلىكتى كۇرەسۋدە. ءبىز بۇل ىندەتتى بىرلەسىپ جەڭەمىز دەپ سەنەمىن", – دەيدى ەرىكتى ايداربەك باقداۋلەت.

بۇگىن قالالىق فتيزوپۋلمونولوگيا ورتالىعىنىڭ, № 3 كوپسالالى قالالىق بالالار اۋرۋحاناسىنىڭ جانە "رامادا پلازادا" ورنالاسقان دارىگەرلەرگە العىس پاكەتتەرى تابىستالدى.

Jas Otan جق 100-دەن استام ەرىكتىسى بىرنەشە اپتا بويى ءوز وتباسىلارىنان وقشاۋلاۋعا ءماجبۇر بولعان ورتا بۋىن مەديتسينا قىزمەتكەرلەرى ءۇشىن "العىس پاكەتتەرىن" تاراتۋدى ۇيىمداستىرۋدى جوسپارلاپ وتىر.

قازىرگى ۋاقىتتا نۇر-سۇلتان قالاسىندا كوروناۆيرۋسقا قارسى كۇرەسكە 2,5 مىڭنان استام مەديتسينا قىزمەتكەرى جۇمىلدىرىلعان.