قازاقستان رەسپۋبليكاسى پرەزيدەنتى جانىنداعى كادر ساياساتى ماسەلەلەرى جونىندەگى ۇلتتىق كوميسسيا جانە قر دەنساۋلىق ساقتاۋ ءمينيسترىنىڭ كەلىسىمدەرى بويىنشا وبلىس اكىمىنىڭ وكىمىمەن پازىلوۆ ءسابيت بەكسەيىت ۇلى قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى قىزمەتىنە تاعايىندالدى.
قىرىق بەس جاستاعى ءسابيت بەكسەيىت ۇلى س.د. اسفەندياروۆ اتىنداعى قازاق مەملەكەتتىك مەديتسينا, Almaty Management University (بۇرىنعى الماتى حالىقارالىق بيزنەس اكادەمياسى) ۋنيۆەرسيتەتتەرىن بىتىرگەن.
ەڭبەك جولىن 1998 جىلى ا.ن. سىزعانوۆ اتىنداعى ۇلتتىق عىلىمي حيرۋرگيالىق ورتالىعىندا كلينيكالىق ورديناتور رەتىندە باستاعان.
2009-2019 جىلدار ارالىعىندا №4 الماتى قالالىق كلينيكالىق اۋرۋحاناسى باس دارىگەرىنىڭ حيرۋرگيا جونىندەگى ورىنباسارى, سىزعانوۆ اتىنداعى ۇلتتىق عىلىمي حيرۋرگيالىق ورتالىقتىڭ باس دارىگەرى, وسى ورتالىقتىڭ باس ديرەكتورىنىڭ ستراتەگيالىق دامۋ جونىندەگى ورىنباسارى, قىزىلوردا وبلىستىق مەديتسينالىق ورتالىعىنىڭ ديرەكتورى, الماتى قالالىق مەديتسينالىق جەدەل-جاردەم ستانتسياسى باس دارىگەرىبولعان.
بىلتىردان باستاپ №1 الماتى قالالىق كلينيكالىق اۋرۋحاناسىنداعى "Smart Healt University" جشس مەديتسينالىق ديرەكتورى قىزمەتىن اتقارىپ كەلدى.