فۋتبولدان قازاقستاننىڭ 21-گە دەيىنگى جاستار قۇراماسى ەۋروپا چەمپيوناتىنا ىرىكتەۋ سىندارى اياسىندا سىرت الاڭدا ارمەنيامەن ويىن وتكىزىپ, 2:1 ەسەبىمەن جەڭىسكە جەتتى.بۇل تۋرالى Vesti.kz ءتىلشىسى حابارلادى.
ويىن قازاقستان قۇراماسىنىڭ شابۋىلىمەن باستالدى. ءبىزدىڭ جىگىتتەر مۇنى ءبىرىنشى تايمدا گولعا اينالدىردى. 31-مينۋتتا ابزال بەيسەبەكوۆتەن تاماشا پاس العان «شاحتەر» ويىنشىسى رومان مۋرتازاەۆ ەسەپ اشتى. الاڭ يەلەرى بۇعان ەكىنشى تايمدا داۆيد اكوپياننىڭ گولىمەن جاۋاپ قايتاردى. ول 48-مينۋتتا سوعىلدى.
14 قازان. ەرەۆان. ۆ.سارگسيان اتىنداعى رەسپۋبليكانسكي ستاديون.
باس تورەشى: كريس رايش (ليۋكسەمبۋرگ)
ارمەنيا: مانۋكيان, ا.وگانەسيان, گ.وگانەسيان, ميناسيان (ۆ. ميناسيان, 83), پوگوسيان (سارداريان, 74), مالاكيان (ايۆازيان, 78), پاپيكيان, ۆوسكانيان, مۋراديان, اكوپيان, اداميان
قازاقستان: پوكاتيلوۆ, سارتاكوۆ, قوجاباەۆ, پاسەچنيك, بەيسەبەكوۆ (بەگالين, 86), لەۆين, قۋات, ۋلشين (پيكالكين, 90), اياعانوۆ, كالينين, مۋرتازاەۆ (لي, 68)
گولدار: مۋرتازاەۆ (31), اكوپيان (48), بەيسەبەكوۆ (72).
ەسكەرتۋلەر: مۋراديان (82), اداميان (85), ن.ميناسيان (85) - قۋات (11), لەۆين (85), سارتاكوۆ (93).
قوناقتار بۇدان كەيىن بىرنەشە شابۋىل ۇيىمداستىردى. ولار 72-مينۋتتا وسىدان ناتيجە شىعاردى. يليا كالينيننىڭ بەرگەن دوبىن ابزال بەيسەبەكوۆ قاقپاعا ءدال ءتۇسىردى. وسىلايشا ءبىزدىڭ قۇراما سىرت الاڭدا جەڭىسكە جەتتى. بۇل - ءبىزدىڭ وسى ىرىكتەۋ سىنىنداعى ەكىنشى جەڭىسىمىز. العاش رەت بەلورۋسسيا قۇراماسىن سىرتتا ۇتقان ەدىك. ەسكە سالا كەتەيىك, ارمەنيانى استانادا قابىلداپ, 0:1 ەسەبىمەن ەسە جىبەرگەنبىز.
سونىمەن بىرگە, جاقىندا عانا سەرگەي بوروۆسكي كەتىپ ونىڭ ورنىنا اندرەي فەرەپونتوۆ كەلگەن ەدى. ونىڭ ءبىرىنشى ماتچ وسىلاي تابىستى بولدى.
قۇرامانىڭ كەلەسى ويىنى الداعى جىلى 5 ناۋرىزدا يسلانديامەن وتەدى.
دامير قوجامقۇل.