باتىس قازاقستان وبلىسىنىڭ ورتالىعى – ورال قالاسى كوشە بويىمەن كەتىپ بارا جاتقان كولىكتىڭ جۇرگىزۋشىگە قايىرۋ بەرمەي, «ءوز بەتىنشە» جولدىڭ جيەگىندەگى ۇيگە بارىپ سوعاتىن ايرىقشا ءبىر قونىس بولىپ تۇر. بۇل شاھاردا قازاننىڭ 12-ءسى كۇنى تاعى ءبىر كولىك وسىلاي كوشەنىڭ جيەگىندەگى ۇيگە بارىپ, قويىپ كەتتى. مۇنىڭ جايىن «ۋرالسكايا نەدەليا» حابارلادى.
تاڭعى ساعات 4-ءتىڭ كەزىندە «BMW ح-5» اۆتوكولىگى قابىرعاسىن بۇزىپ كىرگەن ءۇيدىڭ يەسى ايبار قايىروۆ بىلاي دەيدى:
«مەن بۇزىلعان قابىرعانىڭ جانىندا ۇيىقتاپ جاتىر ەدىم. شلاكتى بلوك قابىرعانىڭ جارىقشاقتارى ۇستىمە كەلىپ قۇيىلدى. كولىكتە بىرنەشە جىگىت پەن ءبىر قىز وتىر ەكەن. قابىرعاعا سوققانان كەيىن ولار دەرەۋ باسقا ماشينەگە ءمىنىپ كەتىپ قالدى».
سول ءتۇنى تاعى ءبىر كولىك وبلىستىق فيلارمونيانىڭ قابىرعاسىن بۇزىپ كىرىپتى.
وسىمەن تەك بيىلعى جىلدىڭ وزىندە ورال قالاسىندا ءتورتىنشى ماشينە كوشە جيەگىندەگى ۇيگە كىرىپ كەتتى. ونىڭ ءبىرىنشىسى وبلىس اكىمى ورىنباسارىنىڭ بالاسىنا تيەسىلى كولىك ەدى. كەيىن تىزگىندى 23 جاسار ستۋدەنت جىگىتتىڭ ءوزى ەمەس, ونىڭ دوسى ۇستاعان دەگەن تۇجىرىم جاسالدى. بۇدان كەيىن تاعى ءبىر كولىك وسى «ەرلىكتى» قايتالادى. ەندى, مىنە, ورالدىق جۇرگىزۋشەلىر «التىن شىققان جەردى بەلدەن قازىپ», جول جيەگىندەگى ۇيلەردىڭ ىشىنە اعىزىپ كىرىپ كەتۋدەن وزىندىك ءبىر جارىستى باستاپ كەتكەن سياقتى.
قۇرىش نۇرىمبەت.