اقتوبەنىڭ شەتكەرى جاعىنداعى ەمدەۋ مەكەمەسىندە ءبىر قىز زورلاندى. سەنبى كۇنى ياسنىي كەنتىنىڭ تۇرعىنى پوليتسيا كەلىپ, اۋرۋحادا تۋبەركۋلەزدىڭ اشىق فورماسىنان ەمدەلىپ جاتقان 25 جاسار جىگىتتىڭ تۇنگى ساعات 2-دە ءوزىن زورلاعانىن ءمالىم ەتتى. بۇل تۋرالى اktobetimes.kz حابارلادى.
وسى زورلىقتىڭ ناتيجەسىندە ءجابىر كورۋشى جىنىستىق مۇشەسى مەن بەلىنەن جاراقات العان. وقيعا نوۆىي كەنتىندەگى الكوگوليزمنەن, ناشاقورلىقتان جانە تۋبەركۋلەزدەن كۇشتەپ ەمدەلەتىندەر جاتاتىن ەمدەۋ-الدىن الۋ مەكەمەسىندە بولعان.
وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگى بويىنشا, ءجابىر كورۋشى قىز مۇندا تۋىسىنىڭ جاعدايىن ءبىلۋ ءۇشىن كەلەدى. مۇندا كەلۋشىلەر ساعات 19-دا شىعارىلادى. بىراق قىز ۇزاق وتىرىپ قالادى دا, سوڭىنان قونباقشى بولادى. ال كۇدىكتى بۇل جەردە ءوزىنىڭ ەشقانداي كىناسى جوق ەكەنىن ايتادى. ول قىز بارىنە ءوزى كەلىستى دەگەندى بىلدىرەدى. وسىعان بايلانىستى قازىر ساراپتاما تاعايىندالعان. ال كۇدىكتى قاماۋعا الىنعان.
ەمدەۋ مەكەمەسى باس دارىگەرىنىڭ ورىنباسارى بالبەك ەسجانوۆتىڭ ايتۋىنشا, كۇدىكتى ناۋقاس رەجىمىن ۇدايى بۇزاتىندار قاتارىنا جاتادى ەكەن. ونىڭ مەكەمەدەن كەتىپ قالىپ, ءسپيرتتى ىشىمدىك الىپ كەلەتىن كەزدەرى كوپ. ال سوڭىنان ىزدەپ ەشكىم كەلمەيدى.
قۇرىش نۇرىمبەت.