رەسەيدىڭ كوپتەگەن بۇقارالىق اقپارات قۇرالدارى ماسكەۋدە ميحايل گورباچەۆتىڭ قايتىس بولعانىن جەتكىزدى. ول باسىنا كەسپەلتەكپەن قاتتى ۇرعاننان باقيلىققا اتتانىپ كەتىپتى. بۇل تۋرالى «اكتوبە-تايمس» گازەتى جازدى.
الايدا, ءبىز «جانازاسىن شىعارىپ وتىرعان» ميحايل گورباچەۆ كەزىندە كەڭەس وداعىن باس حاتشى رەتىندە دە, وداقتىڭ ءبىرىنشى جانە سوڭعى پرەزيدەنتى رەتىندە دە باسقارعان تۇلعا ەمەس. ءبىزدىڭ اقپارىمىزعا ىلىنگەن گورباچەۆتىڭ ءولىمى 1 قازان كۇنى قىزىل كرەملدى قالاداعى پاتەرلەردىڭ بىرىندە ورىن العان. وسىندا «ءبىر كەسە شاي ىشۋگە» كىرگەن قوناق پەن ءۇي يەسى ونىڭ سوڭىن «ءجۇز گرامداتىپ» جىبەرەدى. سوڭىنان ەكەۋى دە ءۇيدىڭ اۋلاسىنا شىعادى. سول جەردە, تاڭعى ساعات 3-ءتىڭ كەزىندە ەكى كانىگى بوتەلكەلەس دوس توبەلەسىپ قالادى. وسى ارپالىستا ءۇيدىڭ يەسى مەيمانىنىڭ باسىنا كەسپەلتەكپەن ءبىر قويادى.
وسى سوققىدان وڭالماعان بەيشارا ۇيىنە سۇيرەتىلىپ جەتەدى دە, وزىنەن 7 جاس ۇلكەن, سال بولىپ جاتقان 65-تەگى اعاسىنا جەدەل جاردەم شاقىرتادى. بىراق دارىگەرلەر كەلەم دەگەنشە, 58 جاستاعى ميحايل گورباچەۆ جونەپ كەتەدى.
قازىر وسى ولىمگە كۇدىكتى ۇستالىپ, تەرگەۋ الدىندا جاۋاپ بەرىپ جاتىر. وعان 10 جىل تۇرمەدە وتىرۋ جازاسى كەسىلۋى مۇمكىن.
مۇرات ايتقوجا.