باكۋدە دەموكراتيالىق كۇشتەر ۇلتتىق كەڭەسىنەن پرەزيدەنتتىك سايلاۋعا تۇسكەن دجاميل گاسانلىنىڭ جاقتاستارى 12 قازان كۇنى سانكتسيالانعان جيىن وتكىزدى. بۇل تۋرالى «نوۆوستي-ازەربايدجان» حابارلادى.
پرەزيدەنتتىككە بۇرىنعى ۇمىتكەردىڭ جاقتاستارى جيىندى سەنبى كۇنى ساعات 16:00-دە باستادى. ول ياسامال سپورت-ساۋىقتىرۋ كەشەنىندە (بۇرىنعى «مەحسۋل» ستاديونى) ءوتتى.
جيىنعا ۇلتتىق كەڭەستەن دجاميل گاسانلى, «مۋساۆات» پارتياسىنىڭ باشكانى يسا گامبار جانە ازەربايجان حالىق مايدانى پارتياسىنىڭ توراعاسى ءالي كەريملي كەلدى. ولار وسىندا سويلەگەن سوزىندە ۇكىمەتتىڭ وتستاۆكاعا كەتۋىن تالاپ ەتتى. وپپوزيتسيا ءوزىنىڭ كۇرەسىن توقتاتپايدى. «14 قازاندا-اق ۇلتتىق كەنەس ميسسياسى بريۋسسەل مەن ستراسبۋرگكە اتتانادى, سوسىن اقش-قا جول تارتىپ, ەۋرووداق, ەۋروپا كەڭەسى وكىلدەرىمەن جانە اقش اكىمشىلىگىمەن كەزدەسەدى», - دەدى گاسانلى.
يسا گامبار سايلاۋدىڭ دەموكراتيالىق جولمەن وتپەگەنىن ايتتى. حالىقارالىق باقىلاۋشىلار كوپتەگەن ءتارتىپ بۇزۋشىلىق پەن كوزبوياۋشىلىقتاردى كوزدەرىمەن كورگەن. «ەل» قوزعالىسىنىڭ ليدەرى ەلدار نامازوۆ بۇگىنگى ميتينگىنىڭ ءوزى جەڭىس ەكەنىن اتاپ ءوتتى.
«ءبىزدىڭ تالابىمىز - 9 قازاندا وتكەن سايلاۋدىڭ قورىتىندىسىن جوققا شىعارىپ, جاڭا پرەزيدەنتتىك سايلاۋ وتكىزۋگە قول جەتكىزۋ», - دەدى گاسانلى minval.az پورتالىنا بەرگەن سۇحباتىندا.
ساكەن مايلىباي.