بۇگىنگى ەلوردا كۇنىنە وراي اشىلعان وقۋشىلار مەن جاستار سارايىنىڭ اۋماعى 18 833 شارشى مەتردى قۇرايدى. بۇل نىساننىڭ قۇرىلىسى "شەۆرون" كومپانياسىنىڭدەمەۋشىلىگىمەن سالىندى, - دەپ حابارلايدى Egemen.kz.
اتالعان عيماراتتىڭ قۇرىلىسى 2018 جىلى باستالعان ەدى. عيماراتتا ءتورت قابات بار.مۇندا وقۋشىلار مەن جاستاردىڭ شىعارماشىلىق قىزمەتتىڭ بارلىق تۇرىمەن, سپورتپەناينالىسۋىنا, ءتۇرلى ۇيىرمەلەرگە قاتىسۋىنا بارلىق جاعداي قاراستىرىلىپ وتىر.سونداي-اق, سارايدا عىلىم مەن تەحنيكا, ونەر, مادەنيەت جانە سپورت سالالارى بويىنشا جەتى باعىتتا 63 ۇيىرمە اشىلادى. ناقتىراق ايتساق, فۋتبول, سۋدا ءجۇزۋ, جەڭىل اتلەتيكا, كۇرەس, حورەوگرافيا, ءان ايتۋ, سۋرەت سالۋ, كەراميكا ۇيىرمەلەرىن اشۋ جوسپارلانىپتى.
"پايدالانۋعا بەرىلىپ وتىرعان عيماراتتا ۇيىرمەلەردەن وزگە ۇلتتىق مادەنيەتىمىز بەن سالت-ءداستۇرىمىز تۋرالى ماعلۇمات الۋعا, پلانەتاريدەن اسپان الەمىمەن تانىسۋعا مۇمكىندىك جاسالعان. مۇندا كۇنىنە 2 اۋىسىمدا 1 500 بالا ونەرمەن, سپورتپەن, شىعارماشىلىقپەن شۇعىلدانا الادى. وقۋشىلار مەن جاستاردىڭ قابىلەتىن ءتۇرلى باعىتتا دامىتۋ ءۇشىن سارايعا 200-دەن استام مۇعالىم جۇمىسپەن قامتىلماق", - دەپ ءتۇسىندىردى اتىراۋ قالالىق ءبىلىم ءبولىمىنىڭ ماماندارى.
وقۋشىلار مەن جاستار سارايىنىڭ جۇمىسى قازىرگى ەپيدەميولوگيالىق احاۋالدىڭ كۇردەلەنۋىنە وراي 1 قىركۇيەكتە باستالادى.