كەندى التايدىڭ اۋىلشارۋاشىلىق قىزمەتكەرلەرى, ديقان-مەحانيزاتورلارى ەڭبەك جەڭىسىنە يە بولدى. اۋا رايىنىڭ جاۋىندى-شاشىندى, قولايسىز بولعانىنا قاراماستان بۇگىنگى كۇنى ءوڭىردەگى ءداندى-داقىلدار تولىعىمەن جينالىپ, تۇڭعىش رەت 1 ميلليون 23 مىڭ توننا التىن استىق مەملەكەت قامباسىنا قۇيىلدى. بيىلعى استىقتىڭ شىعىمى ەرەن – گەكتارىنان 18 تسەنتنەردەن, زىريان, گلۋبوكوە, شەمونايحا, بورودۋليحا, ءۇرجار, ۇلان اۋداندارىندا 20-25 تسەنتنەرگە دەيىن ەگىن ورىلدى.
كەندى التايدىڭ اۋىلشارۋاشىلىق قىزمەتكەرلەرى, ديقان-مەحانيزاتورلارى ەڭبەك جەڭىسىنە يە بولدى. اۋا رايىنىڭ جاۋىندى-شاشىندى, قولايسىز بولعانىنا قاراماستان بۇگىنگى كۇنى ءوڭىردەگى ءداندى-داقىلدار تولىعىمەن جينالىپ, تۇڭعىش رەت 1 ميلليون 23 مىڭ توننا التىن استىق مەملەكەت قامباسىنا قۇيىلدى. بيىلعى استىقتىڭ شىعىمى ەرەن – گەكتارىنان 18 تسەنتنەردەن, زىريان, گلۋبوكوە, شەمونايحا, بورودۋليحا, ءۇرجار, ۇلان اۋداندارىندا 20-25 تسەنتنەرگە دەيىن ەگىن ورىلدى.
شىعىس قازاقستان وبلىسىنىڭ ەگىن وسىرۋمەن شۇعىلداناتىن شارۋا قوجالىقتارى, ديقان-مەحانيزاتورلار بۇل تابىسقا جەرگە مينەرالدى تىڭايتقىشتاردى ءسىڭىرۋ, پروگرەسسيۆتى تەحنولوگيانى باتىل قولدانۋ, جاڭا تەحنيكانى ساتىپ الۋ ناتيجەسىندە قول جەتكىزدى. ونىڭ ۇستىنە وبلىس اكىمى ب. ساپارباەۆتىڭ باستاماسىمەن سوڭعى ءۇش-ءتورت جىلدا وڭىردە ەگىستىك كولەمى 300 مىڭ گەكتارعا ۇلعايدى. بيىل 1293,7 مىڭ گەكتارعا ءداندى-داقىلدار ەگىلدى. وتكەن جىلدىڭ ءتيىستى مەرزىمىمەن سالىستىرعاندا, ول 77,6 مىڭ گەكتارعا ارتىق. سونىمەن بىرگە, وبلىستىڭ اۋىلشارۋاشىلىق قۇرىلىمدارىنا 3465 ميلليون تەڭگەگە جاڭا تەحنيكا ساتىپ اپەرىلدى.
– ەلباسىنىڭ قازاقستان حالقىنا جولداۋىندا اۋىل شارۋاشىلىعىن تۇبەگەيلى جەتىلدىرۋ, ەكسپورتقا استىق, كوكونىس جونەلتۋدى دۇرىس جولعا قويۋ ماسەلەسى تاپسىرىلعانى بەلگىلى. بۇل ورايدا, ءوڭىر باسشىسىنىڭ باستاماسىمەن اۋىلشارۋاشىلىق قۇرىلىمدارى ىلكىمدىلىك پەن ىزدەنىستەر تانىتۋدا. كۇنباعىس, ۇن, وسىمدىك مايى, ەت ونىمدەرى, بال جانە كوكونىس داقىلدارىن ەكسپورتقا شىعارۋدا جاقسى ناتيجەلەرگە قول جەتكىزدىك. ماسەلەن, وتكەن جىلى ەكسپورتقا 2,6 ميلليارد تەڭگەنىڭ, ال بيىلعى 8 ايدا 4,7 ميلليارد تەڭگەنىڭ اۋىلشارۋاشىلىق ونىمدەرىن جونەلتتىك. بيىلدىڭ وزىندە وبلىس ورتالىعىندا بارلىق اۋداندار مەن قالالاردىڭ اۋىلشارۋاشىلىق جارمەڭكەلەرى ءوتىپ, قالا تۇرعىندارى ارزان ەت, ءسۇت, كوكونىس ونىمدەرىن ساتىپ الدى. 12-14 قازاندا الماتى قالاسىندا شىعىس قازاقستان وبلىسى مادەنيەتىنىڭ كۇندەرى جانە جارمەڭكەسى وتەدى. مۇنىڭ الدىندا استانادا وبلىس جارمەڭكەسى كۇندەرى جۇرت ەسىندە قالاتىنداي ءماندى دە ءساندى وتكەنى بەلگىلى. سونىمەن بىرگە, ءوڭىر باسشىسىنىڭ باستاماسىمەن شىعىس قازاقستان وبلىسىنىڭ جارمەڭكەسى بىرقاتار وبلىستاردا اتاپ وتىلمەك, – دەيدى وبلىستىق اۋىل شارۋاشىلىعى باسقارماسىنىڭ باستىعى دۇيسەمباي سەليحانوۆ.
وبلىس ديقاندارىنىڭ ەڭبەكتەگى ەرەن تابىستارى جالعاسا بەرمەك.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.