اتىراۋ وبلىسىنىڭ بۇرىنعى اكىمى بەرگەي رىسقاليەۆتىڭ اكەسى ساۋلەباي رىسقاليەۆ قايتىس بولدى. بۇل تۋرالى BNews.kz حابارلادى.
س.رىسقاليەۆ اتىراۋ وبلىسىنىڭ قىزىلقوعا اۋدانىندا تۋعان. ءومىرىنىڭ كوپ بولىگىن ماقات اۋدانىندا مۇناي سالاسىنا ارناعان. ۇزاق جىلدار بويى وپەراتور, ودان كەيىن «ماقاتمۇناي» مگوب («ەمبىمۇنايگاز» قۇرىلىمدىق ءبولىمى) شەبەر بولىپ ىستەدى.
سوڭعى جىلدارى اقتوبە قالاسىندا تۇرىپ كەلگەن ساۋلەباي اقساقال 78 جاسقا قاراعان شاعىندا ومىردەن وزدى. جۇبايى مادەنيەت ەكەۋى بەرگەي رىسقاليەۆتەن باسقا ەكس-ماجىلىسمەن امانجان رىسقاليدى, تاعى ءبىر ۇل مەن قىزدى تاربيەلەپ ءوسىردى.
قۇرىش نۇرىمبەت.