2013 جىلعى 5 شىلدە استانا, ۇكىمەت ءۇيى
«قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاراشاداعى № 1157 قاۋلىسىنا وزگەرىس پەن تولىقتىرۋ ەنگىزۋ تۋرالى
2013 جىلعى 5 شىلدە استانا, ۇكىمەت ءۇيى
«قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاراشاداعى № 1157 قاۋلىسىنا وزگەرىس پەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 30 قاراشاداعى № 1157 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 45, 532-قۇجات) مىناداي وزگەرىس پەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن قۋاتتىلىعى از تابيعي مونوپوليالار سۋبەكتىلەرىنىڭ قىزمەتىن وڭايلاتىلعان مەملەكەتتىك رەتتەۋ ەرەجەسىندە:
2-تارماق مىناداي رەداكتسيادا جازىلسىن:
«2. وسى ەرەجەدە مىناداي نەگىزگى ۇعىمدار پايدالانىلادى:
ۋاكىلەتتى ورگان – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگان;
ءتاريفتى (باعانى, الىم ستاۆكاسىن) بەكىتۋگە ارنالعان ءوتىنىم – كۋاتتىلىعى از تابيعي مونوپوليا سۋبەكتىسىنىڭ ۋاكىلەتتى ورگانعا رەتتەلىپ كورسەتىلەتىن قىزمەتتەرگە تاريفتەردى (باعالاردى, الىمدار ستاۆكالارىن) بەكىتۋ تۋرالى جازباشا ءوتىنىشى;
نەگىزسىز الىنعان تابىس – قۋاتتىلىعى از تابيعي مونوپوليا سۋبەكتىسىنىڭ ۋاكىلەتتى ورگان بەكىتكەن ءتاريفتىڭ (باعانىڭ, الىم ستاۆكاسىنىڭ) دەڭگەيىنەن نەمەسە ونىڭ شەكتى دەڭگەيىنەن اساتىن قۇن بويىنشا تولەم الۋ جانە (نەمەسە) تاريفتىك سمەتادا كوزدەلگەن امورتيزاتسيالىق اۋدارىمدار قاراجاتىن ماقساتقا ساي پايدالانباۋ, تاريفتىك سمەتانىڭ شىعىن باپتارىن ۋاكىلەتتى ورگان بەكىتكەن مولشەردەن بەس پايىزدان استامعا ورىنداماۋ ناتيجەسىندە الىنعان قوسىمشا تابىس;
ءتاريفتىڭ (باعانىڭ, الىم ستاۆكاسىنىڭ) شىعىن بولىگىنە ەنگىزىلەتىن شىعىنداردىڭ تۇرلەرىن شەكتەۋ – ءتاريفتى (باعانى, الىم ستاۆكاسىن) بەكىتۋ كەزىندە ەسكەرىلمەيتىن شىعىنداردىڭ تىزبەسىن انىقتاۋ;
شىعىستاردىڭ دەڭگەيىن شەكتەۋ – بەلگىلەنگەن جانە (نەمەسە) بەكىتىلگەن نورمالار, نورماتيۆتەر, ستاندارتتار جانە ليميتتەر نەگىزىندە تاريفتە (باعادا, الىم ستاۆكاسىندا) ەسكەرىلەتىن شىعىندار دەڭگەيىنىڭ شەگىن بەلگىلەۋ;
قۋاتتىلىعى از تابيعي مونوپوليا سۋبەكتىسى – مىناداي:
جيىرما گكال/ساعاتقا دەيىن جانە ونى قوسا العاندا بەلگىلەنگەن جالپى قۋاتى بار جىلىتۋ قازاندىقتارىنان جىلۋ ەنەرگياسىن ءوندىرۋ, بەرۋ, تاراتۋ جانە (نەمەسە) ونىمەن جابدىقتاۋ جونىندەگى;
جىلىنا ءجۇز ەلۋ مىڭ تەكشە مەترگە دەيىنگى كولەمىمەن سۋمەن جابدىقتاۋ جانە (نەمەسە) سۋدى بۇرۋ;
كولەمى مىڭ ۆاگون/كم-گە دەيىن كىرمە جولدار سالاسىنداعى قىزمەتتەردى كورسەتەتىن تابيعي مونوپوليا سۋبەكتىسى;
توتەنشە رەتتەۋشى شارالار ازاماتتاردىڭ ءومىرىن, دەنساۋلىعىن, جەكە جانە زاڭدى تۇلعالاردىڭ مۇلكىن قورعاۋ, سونداي-اق قورشاعان ورتانى قورعاۋ ماقساتىندا ۋاكىلەتتى ورگان قابىلدايتىن شارالار;
لوندون بانكارالىق نارىعىنىڭ ستاۆكاسى – جىلدىق پايىز رەتىندە كورسەتىلەتىن پايىزداردى ەسەپتەۋ كەزەڭىنىڭ ءبىرىنشى كۇنىنە قۇنى بويىنشا (نەمەسە پايىزداردى تولەۋ كۇنىنە قۇنى بويىنشا پايىزداردى ەسەپتەۋدىڭ باستاپقى كەزەڭى جاعدايىندا نە پايىزداردى ەسەپتەۋدىڭ وسىنداي كەزەڭى كۇنى, نە پايىزدىق ەسەپتەۋدىڭ ءبىرىنشى كۇنى الدىنداعى كەلەسى كۇنى) التى ايلىق ءبىر ۆاليۋتالىق دەپوزيتتەر بويىنشا لوندون بانكارالىق نارىعىنداعى ۇسىنىس ستاۆكاسى.
وسى ەرەجەدە پايدالانىلاتىن وزگە ۇعىمدار مەن تەرميندەر قازاقستان رەسپۋبليكاسىنىڭ زاڭناماسىنا سايكەس قولدانىلادى.»;
مىناداي مازمۇنداعى 6-1-تارماقپەن تولىقتىرىلسىن:
«6-1. قۋاتتىلىعى از تابيعي مونوپوليالار سۋبەكتىلەرى رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تاريفتەردى (باعالاردى, الىمدار ستاۆكالارىن), تاريفتىك سمەتالاردى وتكەن كۇنتىزبەلىك جىلدىڭ فاكتىسى بويىنشا تۇتىنۋ باعالارىنىڭ يندەكسىنەن اسپايتىن شاماعا جىلىنا ءبىر رەت دەربەس وزگەرتە الادى.
تاريف (باعا, الىم ستاۆكاسى), تاريفتىك سمەتا وسىلايشا وزگەرگەن جاعدايدا قۋاتتىلىعى از تابيعي مونوپوليا سۋبەكتىسى ۋاكىلەتتى ورگاندى ءتاريفتى (باعانى, الىم ستاۆكاسىن), تاريفتىك سمەتانى وزگەرتۋ كۇنىنەن باستاپ كۇنتىزبەلىك بەس كۇننەن كەشىكتىرمەي ءتاريفتىڭ (باعانىڭ, الىم ستاۆكاسىنىڭ), تاريفتىك سمەتانىڭ وزگەرۋ سەبەپتەرىن كورسەتەتىن اقپاراتتى قوسا بەرە وتىرىپ حاباردار ەتەدى.
وسى تارماقتىڭ ءبىرىنشى بولىگىندە كوزدەلگەن جاعدايدا قۋاتتىلىعى از تابيعي مونوپوليا سۋبەكتىسى وزگەرتكەن رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تاريف (باعا, الىم ستاۆكاسى), تاريفتىك سمەتا تيىسىنشە رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) تاريف (باعا, الىم ستاۆكاسى) جانە تاريفتىك سمەتا بولىپ تابىلادى.
رەتتەلىپ كورسەتىلەتىن قىزمەتتەرگە (تاۋارلارعا, جۇمىستارعا) ءتاريفتى (باعانى, الىم ستاۆكاسىن), تاريفتىك سمەتانى تۇتىنۋشى باعالارىنىڭ يندەكسىنەن اساتىن شاماعا وزگەرتۋ قاجەت بولعان كەزدە قۋاتتىلىعى از تابيعي مونوپوليا سۋبەكتىسى وسى ەرەجەدە بەلگىلەنگەن تارتىپپەن ءتاريفتى (باعانى, الىم ستاۆكاسىن), تاريفتىك سمەتانى قايتا قاراۋ ءۇشىن وتىنىممەن ۋاكىلەتتى ورگانعا جۇگىنەدى.
تابيعي مونوپوليا سۋبەكتىسى ءتاريفتى جانە تاريفتىك سمەتانى وزگەرتۋدى وسى ەرەجەنىڭ 5-تارماعىنىڭ ابزاتسىندا كوزدەلگەن كەزەڭدىلىكتى ساقتاي وتىرىپ, ونى دەربەس بەكىتۋ نەمەسە جالپى تارتىپپەن بەكىتۋ ارقىلى جۇزەگە اسىرادى.».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.