2013 جىلعى 2 شىلدە استانا, ۇكىمەت ءۇيى
«سايكەستەندىرۋ نومىرلەرىنىڭ ۇلتتىق تىزىلىمدەرىن جاساۋ, جۇرگىزۋ جانە پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 ساۋىردەگى № 343 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
2013 جىلعى 2 شىلدە استانا, ۇكىمەت ءۇيى
«سايكەستەندىرۋ نومىرلەرىنىڭ ۇلتتىق تىزىلىمدەرىن جاساۋ, جۇرگىزۋ جانە پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 ساۋىردەگى № 343 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «سايكەستەندىرۋ نومىرلەرىنىڭ ۇلتتىق تىزىلىمدەرىن جاساۋ, جۇرگىزۋ جانە پايدالانۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 ساۋىردەگى № 343 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 13, 156-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن سايكەستەندىرۋ نومىرلەرىنىڭ ۇلتتىق تىزىلىمدەرىن جاساۋ, جۇرگىزۋ جانە پايدالانۋ ەرەجەسىندە:
13-تارماقتىڭ 2) تارماقشاسىنداعى «كەتكەن كەزدە شارتتى تۇردە الىپ تاستالادى.» دەگەن سوزدەر «كەتكەن كەزدە;» دەگەن سوزدەرمەن اۋىستىرىلىپ, مىناداي مازمۇنداعى 3) تارماقشامەن تولىقتىرىلسىن:
«3) اسىراپ الىنعان بالا تۋرالى مالىمەتتەر, ونىڭ دەربەس دەرەكتەرى وزگەرگەن كەزدە بالا اسىراپ الۋ تۋرالى سوت شەشىمى كۇشىنە ەنگەننەن كەيىن شارتتى تۇردە الىنىپ تاستالادى.»;
مىناداي مازمۇنداعى 13-1-تارماقپەن تولىقتىرىلسىن:
«13-1. شەتەلدىكتەر مەن ازاماتتىعى جوق ادامداردى قايتادان جانە ودان كەيىن تىركەۋ كەزىندە, سونداي-اق بالا اسىراپ الۋ جارامسىز دەپ تانىلعان جاعدايدا, بۇرىن قالىپتاستىرىلگان جسن بار قۇجات بەرىلەدى.»;
21-تارماقتىڭ ءبىرىنشى ابزاتسى مىناداي رەداكتسيادا جازىلسىن:
«21. جالپىعا قولجەتىمدى بولىپ تابىلاتىن اقپاراتتان باسقا سايكەستەندىرۋ نومىرلەرىنىڭ ۇلتتىق تىزىلىمدەرىندە قامتىلعان مالىمەتتەر:»;
22-تارماق مىناداي رەداكتسيادا جازىلسىن:
«22. جالپىعا قولجەتىمدى اقپاراتتى قوسپاعاندا, جەكە نەمەسە زاڭدى تۇلعاعا قاتىستى اقپاراتتى جەكە نەمەسە زاڭدى تۇلعانىڭ جازباشا كەلىسىمىنسىز باسقا ادامعا بەرۋگە بولمايدى.».
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.