قىزىلوردا وبلىسىندا 59 جاستاعى تۇرعىن ۇيىندە قۇرامىندا ەسىرتكى زاتى بار وسىمدىك ەككەن, – دەپ حابارلايدى Polisia.kz.
21 ماۋسىم كۇنى “قاراسورا-2020” ارنايى جەدەل-پروفيلاكتيكالىق ءىس-شاراسىن وتكىزۋ بارىسىندا پوليتسيا قىزمەتكەرلەرىمەن قىزىلوردا قالاسى بىرقازان ەلدى-مەكەن تۇرعىنى, 59 جاستاعى ەر ادام تۇرعىلىقتى مەكەن-جايى بويىنشا قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-وسىرگەنى انىقتالدى.
اتالعان دەرەك بويىنشا 300-بابىنىڭ 2-بولىگىمەن (وسiرۋگە تىيىم سالىنعان وسiمدiكتەردi ەگۋ نەمەسە ءوسiرۋ نەمەسە سورانىڭ, كوكناردiڭ نەمەسە قۇرامىندا ەسiرتكi زاتتار بار باسقا دا وسiمدiكتەردiڭ سۇرىپتارىن ەگىپ-ءوسىرۋ) سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. كۇدىكتى قىزىلوردا قالالىق پوليتسيا باسقارماسىنىڭ ۋاقىتشا ۇستاۋ اباقتىسىنا قاماققا الىندى.
“قاراسورا-2020″جەدەل پروفيلاكتيكالىق ءىس-شاراسىنىڭ 20 كۇنىندە بارلىعى 56 ەسىرتكى قۇقىق بۇزۋشىلىعى انىقتالسا, ونىڭ 27 دەرەگى ەسىرتكى ەگىپ-باپتاۋ جانە ەكى ءىرى مولشەردە ەسىرتكى ساقتاۋ دەرەكتەرى", دەدى قىزىلوردا وبلىسى پوليتسيا دەپارتامەنتىنىڭ باستىعى بەكتورە سۇلتان.