تۇركىستان تۇماۋراتىپ تۇر

ءيا, سوڭعى كۇندەرى تۇركىستان قالالىق ورتالىق اۋرۋحاناسىنا تۇماۋدىڭ بەلگىلەرىمەن دارىگەرلىك كومەككە ازاماتتار ءجيى جۇگىنۋدە. ناۋقاستاردا دەنە قىزۋىنىڭ كوتەرىلۋى, جوتەل جانە السىزدىك بايقالعان. مەديتسينالىق تەكسەرۋ ناتي­جەسىندە ولاردان پنەۆمونيا, ياعني وكپەنىڭ قابىنۋى انىقتالىپ وتىر. تەكسەرۋ بارىسىندا ناۋقاستاردان كوروناۆيرۋس ينفەكتسياسىنا تەرىس ناتيجە شىققان. وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق قوعامدىق دەنساۋلىق باسقار­ماسىنىڭ باسشىسى مارات پاشيموۆ اۋرۋحاناعا تۇسكەن ازاماتتاردان شۇعىل تۇردە Covid-19 ينفەكتسياسىنا تالداما الىناتىنىن ءمالىم ەتتى. تالداما انىقتالعانعا دەيىن ولار پروۆيزورلىق بولىمدە ەم قابىلداپ, تەرىس ناتيجەسى شىققاندارى اۋرۋحانا بولىمدەرىنە جاتقىزىلىپ, ءتيىستى ەمدەرىن قابىلداۋدا.

«ستاتيستيكا بويىنشا قازىرگى تاڭدا تۇركىستان وب­لى­سىنداعى اۋرۋحانالاردا 303 ناۋقاس پنەۆمونيادان ەم قابىلداۋدا. جالپى, 87 ازامات جازىلىپ شىققان. سونداي-اق الەۋمەتتىك جەلىلەردە اۋرۋحانالاردا ورىن جەتىسپەۋشىلىگى تۋرالى قاۋەسەت تارادى. بۇل اقپارات تا شىندىققا جاناسپايدى. اۋرۋحانالاردا ناۋقاستارعا توسەك-ورىن جەتكىلىكتى. كەنتاۋ قالالىق ورتالىق اۋرۋحاناسىندا 50 ورىندىق سوماتيكالىق بو­لىمشە قايتا دايارلاندى. تۇر­كىستان قالالىق ورتالىق اۋرۋ­حاناسىندا دا قوسىمشا 30 توسەك-ورىن ازىرلەنگەن. ورىن العان جاعدايعا بايلانىستى ناۋقاستاردى جوس­پارلى جاتقىزۋلارعا شەكتەۋ قويىلعان. جەكە كلينيكالار دا وزدەرىنە بەكىتىل­گەن تۇرعىندارعا ءتيىستى مەدي­تسينالىق قىزمەت كور­سەتەدى», دەدى م.پاشيموۆ.

سونداي-اق وبلىستىڭ باس دارىگەرى ءوڭىر تۇرعىندارىن قارانتين رەجىمىن ساقتاپ, ينفەكتسيانىڭ تارالۋىنا­ جول بەرمەۋگە شاقىردى. مە­­­­­­­­­­دي­­­تسينالىق بەتپەردە تا­عىپ,­­ انتيسەپتيكالىق زاتتاردى­ ۇنەمى قولدانۋعا جانە ەكى مەتر قاشىقتىقتى ساقتاي وتىرىپ, قاۋىپسىزدىك شارالارىن قا­داعالاۋدى ەسكەرتتى.

ال وبلىستىڭ باس سانيتار-دارىگەرى نۇربەك نىشانوۆ كارانتين رەجىمى وبلىس اۋما­عىندا ەپيدەميالىق احۋال تۇراقتانعان كەزەڭگە دەيىن جال­عاساتىنىن ايتتى.

«ەپيدەميالىق احۋال تۇ­راقتانۋى ءۇشىن ءوسىم 1 اپ­تا كولەمىندە 5%-دان اسپاۋى قاجەت. ەگەر ءوسىم 2%-دان اسپاسا, قوسىمشا جەڭىلدىكتەر ەنگىزىلۋىنە نەگىز بولادى. ال ءوسىم كورسەتكىشى تومەندەمەگەن جاعدايدا كارانتيندىك تالاپتار قايتا كۇشەيتىلەدى. تۇرعىندارعا قاراپايىم ساقتىق شارالارىنا ەرەكشە نازار اۋدارىلۋى ءتيىس ەكەنىن ەسكە سالامىز», دەدى نۇربەك سادىقبەك ۇلى.

وبلىستىڭ باس سانيتار-دارىگەرى وتباسىلىق, ويىن-ساۋىق, سپورتتىق جانە باسقا دا بۇقارالىق ءىس-شا­رال­ار­دى وتكىزۋگە, ساۋدا ويىن-سا­­ۋ­ىق ورتالىقتارى جا­نىن­­داعى با­لالاردىڭ ويىن الاڭ­دارى, كينوتەاترلاردىڭ, تەاتر­لار­­دىڭ, كورمەلەردىڭ, تۇنگى كلۋب­تاردىڭ, باتۋت جانە فۋد­كورتتاردىڭ جۇمىسىنا, مال بازارلارىنىڭ قىزمەتىنە تى­يىم سالىنعانىن ايتتى. كا­رانتين رەجىمىن جانە شەكتەۋ شارالارىن ساقتاماعان تۇلعالارعا ەلىمىزدىڭ زاڭ­ناماسىندا بەلگىلەنگەن تا­لاپ­­­تارعا سايكەس, اكىمشىلىك جاۋاپ­­كەرشىلىككە تارتۋ بويىن­شا شارا قولدانىلاتىنىن ەسكەرتتى.

نۇربەك نىشانوۆتىڭ ايتۋىنشا, تۇركىستان وبلىسى بويىنشا كوروناۆيرۋس ىندەتىن جۇقتىرعان 594 جاعداي تىركەلگەن. اۋىرعانداردىڭ 7- ءى قايتىس بولىپ, 265 ادام جازىلىپ شىققان.

ياعني تۇركىستان قالاسىن­داعى جاعدايعا قاتىستى WhatsApp الەۋمەتتىك جەلىسىندە تاراتىلعان  اقپاراتتار جالعان بولىپ شىقتى. وسى ورايدا وبلىس اكىمدىگى تۇرعىنداردى رەسمي راستالماعان اقپاراتتاردى قابىلداماۋعا جانە تاراتپاۋعا شاقىردى.

تۇركىستان وبلىسى