پارلامەنت ءماجىلىسىنىڭ توراعاسى نۇرلان نىعماتۋلين قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى لە يۋيچەندى قابىلدادى, دەپ حابارلادى وسى پالاتانىڭ ءباسپاسوز قىزمەتى.
پارلامەنت ءماجىلىسىنىڭ توراعاسى نۇرلان نىعماتۋلين قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى لە يۋيچەندى قابىلدادى, دەپ حابارلادى وسى پالاتانىڭ ءباسپاسوز قىزمەتى.
نۇرلان نىعماتۋليننىڭ ءتوراعالىعىمەن قازان ايىنىڭ 14-17-ءسى ارالىعىندا قازاقستاندىق پارلامەنتتىك دەلەگاتسيانىڭ قىتايعا ساپارى جوسپارلانعان. وسى قارساڭدا تاراپتار ءوزارا ءىس-قيمىلدىڭ ماڭىزدى ماسەلەلەرىن تالقىعا سالدى.
كەزدەسۋ بارىسىندا ەكى ەل اراسىنداعى ىنتىماقتاستىقتىڭ دايەكتى ءارى ۇدەمەلى دامۋ جولىنا تۇسكەندىگى تىلگە تيەك ەتىلدى.
ءوز سوزىندە نۇرلان نىعماتۋلين قحر توراعاسىنىڭ ءبىزدىڭ ەلىمىزگە ساپارى بارىسىندا قازاقستان پرەزيدەنتى نۇرسۇلتان نازارباەۆ پەن سي ءتسزينپيننىڭ اراسىندا قول جەتكىزىلگەن جوعارى دەڭگەيلى كەلىسىمدەر ەكىجاقتى قارىم-قاتىناستىڭ ستراتەگيالىق كورسەتكىشىنىڭ تاعى ءبىر دالەلى ەكەنىن اتاپ ءوتتى.
ال لە يۋيچەن ءوز كەزەگىندە قازاقستاننىڭ جەتىستىكتەرىنە قاتىستى جىلى لەبىزىن ءبىلدىردى.
– استاناعا كەلگەن العاشقى كۇننەن باستاپ, مەنى پرەزيدەنت نۇرسۇلتان نازارباەۆتىڭ باسشىلىعىنىڭ ارقاسىندا قازاقستان حالقى قول جەتكىزگەن جەتىستىكتەر مەن ەكى مەملەكەت اراسىنداعى قارىم-قاتىناستىڭ قارقىندى دامۋى تاڭعالدىردى, – دەدى ەلشى.
قوس ەلدىڭ پارلامەنتارالىق بايلانىسى دا نازاردان تىس قالمادى.
– پارلامەنتارالىق ءوزارا ىنتىماقتاستىقتى دامىتۋ جولىندا, زاڭ شىعارماشىلىق جۇمىسىندا تاجىريبە الماسۋ, ياعني ماڭىزدى باستامالاردى زاڭنامالىق قامتاماسىز ەتۋ, سالالىق كوميتەتتەر اراسىندا بايلانىستاردى نىعايتۋ, پارلامەنتارالىق ۇيىمدار اياسىنداعى ارىپتەستىك باسىم باعىتتار بولىپ تابىلادى, – دەدى ءماجىلىس توراعاسى.
نۇرلان نىعماتۋلين مەن لە يۋيچەن پارلامەنتتەر وكىلدەرىنىڭ بايلانىسىن الداعى ۋاقىتتا دا بەلسەندى نىعايتۋعا سەنىم ءبىلدىردى.
– قازاقستان مەن قىتاي پارلامەنتشىلەرى اراسىنداعى ءوزارا ءىس-قيمىلدى نىعايتۋ – ەكى مەملەكەتتىڭ ستراتەگيالىق ءارىپتەستىك قاتىناسىن ودان ءارى جان-جاقتى دامىتۋعا مۇمكىندىك بەرەدى, – دەپ اتاپ ءوتتى ءماجىلىس توراعاسى.
كەزدەسۋ يەلەرى مەملەكەتتەر اراسىنداعى ءوزارا ءتيىمدى ىنتىماقتاستىق بولاشاقتا دا ەكى ەلدىڭ يگىلىگى جولىندا قارقىندى دامي بەرەدى دەگەن ورتاق پىكىرلەرىن جەتكىزدى.