كەنشىلەر استاناسىندا توتەنشە جاعداي رەجىمى مەن كارانتيندىك شەكتەۋلەر كەزىندە «Biz birgemiz» رەسپۋبليكالىق قايىرىمدىلىق اكتسياسىنا قاتىسىپ, بەلسەندىلىگىمەن كوزگە تۇسكەن ءبىر توپ ەرىكتىگە تۇڭعىش پرەزيدەنت نۇرسۇلتان نازارباەۆتىڭ اتىنان العىس حاتتار تابىس ەتىلدى.
ماراپاتتالعان 81 ەرىكتىنىڭ قاتارىندا Saryarqa Jastary شتابىنىڭ ۆولونتەرلەرى جانە Nur Otan پارتياسى فيليالدارىنىڭ قىزمەتكەرلەرى دە بولدى. ولار توتەنشە جاعداي كەزىندە وبلىستاعى مۇقتاج تۇرعىندارعا كومەك قولىن سوزىپ, ۋاقىتپەن ساناسپاي كوپ جۇمىستى اتقاردى.
ەڭبەگى ەلەنگەن ەرىكتىلەردى قۇتتىقتاعان وبلىس اكىمى جەڭىس قاسىمبەك ۆولونتەرلەردىڭ مەديتسينا قىزمەتكەرلەرى, ءتارتىپ ساقشىلارى, اسكەريلەر, سونداي-اق كوروناۆيرۋسپەن كۇرەس بويىنشا الدىڭعى قاتاردا بولعان بارلىق ازاماتتارمەن بىرگە وسىناۋ كۇردەلى كەزەڭنىڭ قاھارماندارىنا اينالعانىن اتاپ ءوتتى.
– سىزدەر ءۇشىن ۆولونتەرلىك قىزمەت – قوعام يگىلىگى ءۇشىن جاسالىپ جاتقان كۇندەلىكتى ەڭبەك. مەن سىزدەرگە وسى جالىندى تالپىنىستارىڭىزدى ساقتاپ قالۋدى, ادامدارعا پايدالى بولامىن دەگەن ىنتالارىڭىزدى جوعالتپاي, شابىت پەن جىگەردى باسقالارعا كومەكتەسۋ ءۇشىن جۇمساۋلارىڭىزدى تىلەيمىن. ال ءبىز سىزدەردى ءاردايىم قولدايتىن بولامىز, – دەدى ول.
وڭىردە توتەنشە جاعداي كەزىندە ادامگەرشىلىككە تولى ءىس-شارالار لەگىنىڭ كوپ بولعانىن ايتقان ءلازىم. مىسالى, وبلىستىق شتابتىڭ ەرىكتىلەرى تەمىرتاۋ قالاسىنداعى ورتالىق اۋرۋحانانىڭ قولداۋىمەن ءبىر اي بويى اناسىن كورمەگەن سەگىز جاسار بالانى قاراعاندىعا جەتكىزدى. ەرىكتىلەر مەن دەمەۋشىلەردىڭ كۇشىمەن ءۇش بالاسىمەن دالادا قالعان وتباسىنا ءۇي تابىلدى. باسپانانى جيھازبەن, تەحنيكامەن جابدىقتاپ, ءبىلىم بەرۋ باسقارماسىمەن بىرلەسىپ بالالاردى قاشىقتان وقىتۋ ءۇشىن جاعداي جاساپ, ينتەرنەت قوسىپ, دەربەس كومپيۋتەر ورناتىپ بەردى.
Saryarqa Jastary شتابىنىڭ ۆولونتەرى سىمبات اۋباكىروۆا بەس جىل بويى ادامدارعا رياسىز كومەك كورسەتىپ كەلەدى. ول ۆولونتەرلىك بۇكىل ءومىرىنىڭ ءمانى ەكەنىن ايتادى.
– قيىن كەزەڭدە قاريالار مەن مۇمكىندىگى شەكتەۋلى ادامدارعا ازىق-ت ۇلىك, ءدارى-دارمەك جەتكىزدىك. دەمەۋشىلەرىمىزدىڭ ارقاسىندا قاراعاندىلىق كوپتەگەن مۇقتاج جان تەگىن ازىق-ت ۇلىك سەبەتتەرىن الدى. وسى يگى ءىسىمدى ءارى قاراي دا جالعاستىرسام دەيمىن. جاقسى ىستەر ءۇشىن ەشقانداي جاس شەكتەۋلەرى جوق, – دەيدى سىمبات.
ەسكە سالساق, توتەنشە جاعداي رەجىمى مەن كارانتيندىك شەكتەۋلەر كەزىندە قاراعاندى وبلىسىندا بارلىعى 12 500 وتباسى جالپى قۇنى 200 ملن تەڭگە بولاتىن كومەك الدى.
قاراعاندى