كوروناۆيرۋس: بەينەۋدە جاعداي ۋشىعىپ تۇر

ء"بىزدىڭ وڭىردە ۆيرۋستىڭ سيمپتومدىق تۇرىنە شالدىققان 379 ادام بار. اقتاۋ قالاسىندا 105, جاڭاوزەندە 38, تۇپقاراعان اۋدانىندا 6, قاراقيا اۋدانىندا 47, ماڭعىستاۋ اۋدانىندا 14, مۇنايلى اۋدانىندا 22, بەينەۋ اۋدانىندا 147 ناۋقاس تىركەلدى. ونىڭ ىشىندە 14 جاسقا دەيىنگى بالالاردىڭ سانى 49-دى قۇرايدى. سىرتتان كەلىپ تىركەلگەن ناۋقاستار التى ادام. جەرگىلىكتى جەردەن 147 اۋرۋ ازامات انىقتالدى. سىرقاتتارمەن جاقىن قارىم-قاتىناستا بولعان 226 ادام تىركەلدى", دەدى ج.جامانباەۆا.

قازىرگى تاڭدا وبلىس كولەمىندە ينفەكتسيالىق ستاتسيونارلار جۇمىس ىستەپ تۇر. اقتاۋداعى ستاتسيوناردا 66 ادام, بەينەۋ اۋدانىندا 39, جاڭاوزەن قالاسىندا 39 ادام ەمدىك شارالارىن قابىلداپ جاتىر.

"ال اقتاۋداعى پروۆيزورلىق ستاتسيوناردا 153 ادام بار. شەتپە اۋىلىندا 4 ادام, جەتىبايدا 4 ادام, جاڭوزەندە 11, بەينەۋ اۋدانىندا 59 ادام ەمدەلۋدە. قازىرگى ۋاقىتتا بۇل اۋرۋدى جۇقتىرۋ نەگىزىنەن جاقىن قارىم-قاتىناس ەسەبىنەن تىركەلىپ جاتىر. بۇل رەتتە 47,8 پروتسەنتكە جەتىپ وتىر. بۇل وتە جوعارى كورسەتكىش. سونىڭ ىشىندە ءبىزدى الاڭداتىپ وتىرعانى بەينەۋ اۋدانىنداعى احۋال. الگى اۋدانعا 6 مامىر كۇنى وبلىس اكىمىنىڭ ورىنباسارى ق.جۇماشەۆ, 18 مامىر كۇنى وبلىس اكىمىنىڭ ورىنباسارى ن.قيلىباەۆ باستاعان ماماندار, 4 دارىگەرلەر بريگاداسى بارعان بولاتىن. بۇل بريگادالار سول جەردە جۇمىس جاساپ كەلدى. قوسىمشا اشىلاتىن ستاتسيونارلاردى تەكسەرىپ, كارانتين ۋاقىتىندا اتقارىلىپ جاتقان ءىس-شارالارمەن تانىستى. مەديتسينالىق قۇرال-جابدىقتار مەن جەكە قورعانىش قۇرالدار قورىنىڭ جەتكىلىكتى ەكەندىگىنە كوز جەتكىزۋگە باسا ءمان بەرىلدى",- دەدى وڭىرلىك دەنساۋلىق ساقتاۋ باسقارماسىنىڭ باسشىسى.

ۆەدومستۆو جەتەكشىسىنىڭ سوزىنشە, جۋىق ارادا 5-ءشى دارىگەرلىك بريگادا بەينەۋ اۋدانىنا جىبەرىلەدى.