قىتايدىڭ شىعىسىنداعى فۋتسزيان مەن چجەتسزيان پروۆينتسيالارىندا ورىن العان «فيتوۋ» تايفۋنىنان 4,56 ملن. ادام زارداپ شەكتى. بۇل تۋرالى يتار-تاسس حابارلادى.
قىتايدىڭ سۋ تاسقىنى جانە قۇرعاقتىقپەن كۇرەس جونىندەگى مەملەكەتتىك باسقارماسىنىڭ دەرەگى بويىنشا, چجەتسزيان پروۆينتسياسىندا 4,3 ملن. ادام زارداپ شەككەن. ۇيلەر قيراپ, اۋىل شارۋاشىلىق ەگىستىكتەرىنە زاقىم كەلگەن. سونداي-اق كورشىلەس فۋتسزيان پروۆينتسياسىندا اپاتتان 210 ادام جاپا شەكتى.
دۇيسەنبى كۇنى قىتايدىڭ شىعىسىنداعى جاعالاۋعا جاقىن پروۆينتسيالاردا بولعان «فيتوۋ» تايفۋنىنىڭ اسەرىنەن جاڭبىر نوسەرلەپ جاۋىپ, كۇشتى جەل سوعا باستادى. جەلدىڭ جىلدامدىعى ساعاتىنا 151 شاقىرىمدى قۇراعان. قازىرگى ۋاقىتتا قىتايعا «داناس» تايفۋنى تاياپ كەلەدى. ول شىعىس-قىتاي تەڭىزىنە اسەر ەتۋى مۇمكىن دەگەن بولجام بار.
ايدار ورىسباەۆ.