ماسكەۋ ەپارحيا كەڭەسى جانىنداعى ميسسيونەرلىك كوميسسيانىڭ باسشىسى يەروموناح ديميتري (پەرشين) اسا اۋىر سالماقتا الەم چەمپيوندىعى ءۇشىن تالاستا رەسەيلىك الەكساندر پوۆەتكيننىڭ ۋكراين ۆلاديمير كليچكودان جەڭىلىپ قالۋىندا ءدىني استار بار دەپ ەسەپتەيدى. بۇل تۋرالى ريا «ينتەرفاكس» حابارلادى.
«بوكسشىنىڭ باستى قاتەلىگى قايتكەندە دە جەڭۋىم كەرەك دەگەن ويدىڭ جەتەگەنىدە كەتكەنىندە مە دەپ قورقامىن, - دەدى ديميتري اكەي جەكسەنبى اگەنتتىك تىلشىسىنە. – ايتالىق, ادام قانداي دا ءبىر سپورتتىق جەتىستىكتەر ءۇشىن دە جانىن تولەم ەتۋىنە بولمايدى. كەز كەلگەن ەنەرگيا ءۇشىن ءوزىڭنىڭ ىشكى دۇنيەڭدى شىعارماۋىڭا دا بولادى».
ول ۇرىس كەزىندە ا.پوۆەتكينگە «اتا-بابالار ارۋاعى» كومەكتەسپەن دەپ سانايدى. «پوۆەتكين ءوزىنىڭ سپورتتىق جولىنىڭ باسىندا پراۆوسلاۆيە ءدىنىن ۇستاناتىنىن ايتقان ەدى, سوسىن پۇتقا تابىنۋدىڭ جاڭا ءداستۇرىن قابىلدادى. مۇنى ونىڭ جاپ-جاڭا رۋنيكالىق تاتۋيروۆكاسى مەن كەيدە رينگكە شىعاردا ىڭىلداپ ايتاتىن ءانىنىڭ ماقامى دا انىق بىلدىرەدى», - دەدى ول. بۇدان ءارى ءدىنباسى: «بۇل بالاعا رۋنانى شۇقىلاپ سالۋ ەمەس, جاقسىلاپ جاتتىعۋ كەرەك», - دەگەندى قاداپ ايتتى.
سوڭىنان سۆياششەننيك پوۆەتكيننىڭ كليچكومەن شايقاسى ونىڭ سپورتشىلىق ومىرىندەگى سوڭعى جەكپە-جەك بولمايتىنىن ايتا كەلىپ, وعان «تەزدەتىپ ناعىز پراۆوسلاۆيەلىكتەر – اندرەي رۋبلەۆ پەن دميتري دونسكوي, الەكساندر سۋۆرورۆ پەن الەكساندر پۋشكين, ارحيماندريتا يوانن (كرەستيانكين) مەن كومپوزيتورا گەورگي سۆيريدوۆ قابىلداعان پراۆوسلاۆيە دىنىنە قايتا ءوتۋى كەرەك» ەكەنىن مالىمدەدى.
«ءبىزدىڭ جۇرەگىمىزگە كەرەگى تاس مۇسىندەر (رۋنالار, بويتۇمارلار, وقىلعان زاتتار) ەمەس, ءحريستى سۇيۋدەگى ازات ءومىر ەكەنىن ەستەن شىعارماۋىمىز كەرەك», - دەدى ءدىنباسى.
مۇرات ايتقوجا.