“ۋچاستوك” جەدەل-پروفيلاكتيكالىق ءىس-شارا بارىسىندا پاترۋلدىك پوليتسيا قىزمەتكەرلەرى سىرداريا اۋدانى تەرەڭوزەك كەنتىندەگى كەرەيتباەۆ كوشەسىنىڭ بويىندا “مازدا-626” اۆتوكولىكتىگىن توقتاتادى. كولىك رۋلىندەگى 52 جاستاعى تۇرعىننىڭ ماشينانى ەشقانداي قۇجاتسىز جانە ماس كۇيىندە باسقارعانى انىقتالعان, - دەپ حابارلايدى Egemen.kz.
تەكسەرۋ بارىسىندا ونىڭ وتكەن جىلى سوت شەشىمىمەن كولىك قۇرالىن جۇرگىزۋ قۇقىعىنان 3 جىلعا ايىرىلعاندىعى بەلگىلى بولدى. بىراق زاڭعا باعىنباعان ازامات كولىكتى الكوگولدىك ماساڭ كۇيدە قايتا باسقارىپ, باسقالاردىڭ ءومىرى مەن دەنساۋلىعىنا قاۋىپ توندىرگەن.
ءوز كەزەگىندە پوليتسيا قىزمەتكەرلەرى ونى ناركولوگيالىق ورتالىققا جەتكىزدى. ساراپتاما قورىتىندىسى ونىڭ ورتا دارەجەدەگى ماس كۇيىندە بولعاندىعىن كورسەتتى.
ءتارتىپ بۇزۋشى دەرەۋ سىرداريا اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى.
وعان قاتىستى قازاقستان رەسپۋبليكاسى قىلمىستىق كودەكسىنىڭ 346-بابىنىڭ 1-بولىگىمەن سوتقا دەيىنگى تەرگەپ-تەكسەرۋ باستالدى.