قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار مينيسترلىگىندە ەكولوگتار جانە بۇكىلالەمدىك قورشاعان ورتانى قورعاۋ كۇنىنە ارنالعان سالتاناتتى ءىس-شارا ءوتتى. كوروناۆيرۋس پاندەمياسىنا بايلانىستى ەلدەگى جاعدايدى ەسكەرە وتىرىپ, ايماقتارداعى ۆەدومستۆولىق باعىنىستى ۇيىمدار مەن اۋماقتىق بولىمشەلەر «Zoom» پلاتفورماسى ارقىلى قوسىلعان بولاتىن, دەپ حابارلايدى ماڭعىستاۋ وبلىسى ەكولوگيا دەپارتامەنتىنىڭ ءباسپاسوز قىزمەتى.
شارا كەزىندە قورشاعان ورتانى قورعاۋ سالاسىنداعى بەلسەندى جانە جەمىستى جۇمىسى, جوعارى كاسىبي قاسيەتتەرى مەن ەلىمىزدىڭ تابيعي بايلىقتارىن ساقتاۋعا, قورشاعان ورتانى قورعاۋ مەن قالپىنا كەلتىرۋگە قوسقان جەكە ۇلەسى, جاڭاشىلدىق پەن باستاماشىلىق, حالىق اراسىندا ەكولوگيالىق قوزعالىستى تانىمال ەتۋ جونىندەگى جەتىستىكتەرى ءۇشىن قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگىنىڭ «ەكولوگيا سالاسىنىڭ ۇزدىگى» توسبەلگىسىمەن ماڭعىستاۋ وبلىسى ەكولوگيا دەپارتامەنتىنىڭ زەرتحانالىق تالدامالى باقىلاۋ ءبولىمىنىڭ باس مامانى تولەپوۆا راۋشان داۋلەتقاليقىزى ماراپاتتالدى.
ءوز كەزەگىندە ماڭعىستاۋ وبلىسى ەكولوگيا دەپارتامەنتىنىڭ باسشىسى رۋسلان توكەنوۆ, ءوز ۇجىمداستارىنا تابيعي تازا ورتادا ءومىر ءسۇرۋدى قامتاماسىز ەتىپ وتىرعان قورشاعان ورتانى قورعاۋ قىزمەتكەرلەرىنىڭ كاسىبي مەرەكەسىمەن قۇتتىقتاپ, وتباسىلارىنا بەرەكە تىلەدى.
ماڭعىستاۋ وبلىسى