ماقتاارالدا تۇرعىندارعا وتەماقى بەرىلە باستادى

بۇل تۋرالى توپان سۋدان زارداپ شەككەن تۇرعىندارمەن كەزدەسكەن قازاقستان حالقى اسسامبلەياسى وبلىستىق حاتشىلىعىنىڭ مەڭگەرۋشىسى, ماقتاارال اۋدانىنداعى وبلىستىق شتابتىڭ الەۋمەتتىك ماسەلەلەر جونىندەگى جەتەكشىسى عاني رىسبەكوۆ مالىمدەدى. سونداي-اق, ول كاسىپكەر ا.ۋسمانوۆتىڭ قورى ەسەبىنەن 5202 وتباسىعا 1000 اقش دوللارىنان بەرىلىپ جاتقانىن دا جەتكىزدى. قازىرگى تاڭدا 13 اۋىلدان 5342 قۇجات قابىلدانىپ, ولارعا مونيتورينگ جۇمىستارى جۇرگىزىلگەن. ناتيجەسىندە 4839 ازاماتتىڭ قۇجاتى راستالىپ وتىر. «بۇگىنگە دەيىن 3 ترانشپەن 3375 وتباسىعا بەلگىلەنگەن 1000 اقش دوللار وتەماقى اۋدارىلدى. قالعان جانۇيالارعا دا قارجى اۋدارۋ جۇمىستارى جۇرگىزىلۋدە. بۇل قارجى نەگىزىنەن توتەنشە جاعداي جاريالانعان ەلدى مەكەندەردە توپان سۋ باسقان ساتتە تۇرىپ جاتقان ازاماتتارعا تيەسىلى. ال, ولاردىڭ اراسىندا پاتەر جالداپ تۇرىپ جاتقان جاندار دا بار. وسى ماسەلەلەردى قاراپ ءتيىستى شەشىم قابىلداۋ ماقساتىندا اۋداندا ارنايى كوميسسيا قۇرىلىپ, جۇمىس ىستەپ جاتىر. سونىڭ ناتيجەسىندە 1438 قۇجات قايتا قارالىپ, 1319-ى وڭ قورىتىندى العان. الداعى اپتادا بۇل جۇمىستار تولىعىمەن اياقتالۋى ءتيىس. وسى ماقساتتا جاڭاجول اۋىلدىق وكرۋگىنە قوسىمشا 4 بىلىكتى مامان ءبولىنىپ وتىر»,  دەدى عاني قۇرماش ۇلى.

سونىمەن قاتار, ەۆاكۋاتسيالىق بەكەتتەردە وتكەن كەزدەسۋ بارىسىندا بۇزىلىپ قايتا سالىناتىن ۇيلەردىڭ قۇجاتتارى تۇگەل بولماۋىنا بايلانىستى قيىندىقتار تۋىنداپ وتىرعانى دا ايتىلدى. ماسەلەن, توپان سۋدا قالعان 870 ءۇيدىڭ 4-ىندە جەكە كۋالىك كوشىرمەسى, 19-ىندا مەنشىك يەسى تۋرالى مالىمەتتەرى, 7-ەۋىندە مەملەكەتتىك اكتىسى, 8-ءنىڭ تەحنيكالىق پاسپورتى جوق. بۇگىندە وبلىستىق قۇرىلىس باسقارماسىنا 834 ءۇيدىڭ قۇجاتتارى تاپسىرىلسا, 832-ءسى تەكسەرۋدەن وتكەن, 2 قۇجات قايتا تۇزەتۋگە جىبەرىلىپتى. سونداي-اق, عاني رىسبەكوۆ وبلىستىق توتەنشە جاعدايلار جونىندەگى شتاب جانىنان قۇرىلعان ازىق-ت ۇلىك قويماسىندا بولىپ, ونداعى اتقارىلىپ جاتقان شارۋالارمەن دە تانىستى. قويماعا بۇگىنگە دەيىن ەلىمىزدىڭ تۇكپىر-تۇكپىرىنەن 740 توننادان استام تاۋار كەلىپ تۇسسە, ونىڭ 320 تونناعا جۋىعى ەۆاكۋاتسيالىق پۋنكتتەردەگى تۇرعىندارعا تاراتىلىپ بەرىلگەن.

تۇركىستان وبلىسى