تۇركىستاندا ء«ابۋ ناسىر ءال-فارابي» تۋرالى تاريحي تەلەحيكايا تۇسىرىلۋدە. عۇلاما عالىمنىڭ 1150 جىلدىعىنا وراي «ساق» كينوستۋدياسى ەكىنشى اريستوتەل اتانعان ويشىل-عالىمنىڭ عيبراتتى عۇمىرىن 10 سەريامەن كورەرمەن نازارىنا ۇسىنباق.
تۇركىستاندىقتار بيىل ناۋرىز مەرەكەسىن قوجا احمەت ياساۋي كەسەنەسى جانىنان بيىل بوي كوتەرگەن ەتنواۋىلدا دۇركىرەتىپ تويلاماق بولعان-دى. ەلدەگى توتەنشە جاعدايعا بايلانىستى دۋماندى شارا وتپەيتىپ بولىپ, ەسەسىنە مەرەكەگە دايىندالعان دۇنيەنىڭ ءبارى ء«ال-فارابي» ءفيلمىنىڭ دايىن دەكوراتسياسىنا اينالدى. تەلەحيكايانىڭ رەجيسسەرى – باتىرحان داۋرەنبەكوۆ. «قازاق ەلى», «تولاعاي», «قاجىمۇقان», «قوشقار مەن تەكە» سىندى 50 شاقتى انيماتسيالىق ءفيلمنىڭ اۆتورى. رەجيسسەر بۇگىندە عۇلاما عالىمنىڭ ءومىر جولىنان جاڭا دەرەكتەر جيناقتاپ, تەلەحيكايا ارقىلى ونىڭ ەرەكشە قىرلارىن اشپاق. «نەگىزى ءال-فارابي وتىرارعا جاقىن ماڭدا سىرداريانىڭ بويىنداعى وقسىز دەگەن قالادا تۋعان. ونىڭ اكەسى تارحان وزلاحتىڭ بالاسى اسكەري باسشى بولعان. ول تاريحتا بار. ءبىز سونى كورسەتتىك. جانە دە ءال-ءفارابيدىڭ باسقا دا قىرلارىن, مىسالى مەرگەن بولعانىن جانە دە وتىراردىڭ ءامىرشىسىن وركەنيەتكە قالاي كوتەرگەنىن كورسەتىپ جاتىرمىز», دەيدى رەجيسسەر باتىرحان داۋرەنبەكوۆ.
سونداي-اق ول بۇل تۋىندىنىڭ باستى كەيىپكەرى عىلىم, ءبىلىم, ونەردىڭ شىراقشىسى بولعان ورتاعاسىرلىق ويشىلداردىڭ جيىنتىق بەينەسى بولعالى تۇرعانىن ايتادى. فارابتا تۋعان, داماسكىدە ومىردەن وتكەن, سامارقان مەن بۇحارادا ءىزى قالعان. ءاۋ باستا وسى قالالاردا جوسپارلانعان ءتۇسىرىلىم پاندەميانىڭ كەسىرىنەن جۇزەگە اسپاي قالدى. داماسكىدەگى كورىنىستەر 3D گرافيكا كومەگىمەن جاسالماق. قالعانى وتىرار مەن تۇركىستانداعى تاريحي نىسانداردىڭ ماڭايىندا تۇسىرىلەدى. ورتاعاسىرلىق كارتيناعا كەرەكتى رەكۆيزيتتەر دە وتە ءساتتى تاڭدالعان. بازارداعى بۇيىمدار, جەمىس-جيدەك, ۇستاحانا, ساۋدا كەرۋەندەرىنە كەرەكتى حايۋاناتتار دا ارنايى الدىرىلىپتى. ال ءابۋ ناسىر ءال-ءفارابيدىڭ جىگىتتىك شاعىن جاس اكتەر بەكزات ءجۇنىسوۆ بەينەلەۋدە. تۋىندى كورەرمەن قاۋىمعا قازان-قاراشا ايلارىندا «قازاقستان» ۇلتتىق ارناسىنان ۇسىنىلماق.
تۇركىستان وبلىسى