ماقتاارال اۋدانىنا باتىس قازاقستان وبلىسىنان 12 توننا گۋمانيتارلىق كومەك كەلىپ جەتتى. كومەك كەرۋەنىنە ازىق-ت ۇلىكتەر مەن قۇرىلىس ماتەريالدارى, كيىم-كەشەك جانە تۇرمىستىق قاجەتتى قۇرال-جابدىقتار تيەلگەن.
سۋ تاسقىنىنان زارداپ شەككەن ماقتاارالدىق اعايىندارعا كومەك قولىن سوزۋعا باتىستاعى «ۆايناح» شەشەن-ينگۋش ەتنومادەني ورتالىعى مەن «بىرلىك» ەرىكتىلەر توبى, «دوستىق» قازاق-ۆايناح پەن «Patriot» سپورت كلۋبى, سونىمەن بىرگە «كادىرگاليەۆ ت.ا.» جك, «UralskRunners» جۇگىرۋشىلەردىڭ كلۋب مۇشەلەرى اتسالىسىپ, قاراجات جيناۋعا سەپ بولعان.
ال, باتىستان وڭتۇستىككە دەيىن جول تارتقان كومەك كولىگىن تۇركىستان وبلىسى اكىمى اپپاراتىنىڭ «قوعامدىق كەلىسىم» كمم-ءنىڭ ماقتاارال اۋداندىق فيليالى ماماندارى, ەتنومادەني بىرلەستىك توراعالارى مەن مۇشەلەرى كۇتىپ الىپ, گۋمانيتارلىق كومەك قويماعا تاپسىرىلدى.
تۇركىستان وبلىسى