تۇركىستان وبلىسىندا سوڭعى اقپاراتقا سايكەس كوروناۆيرۋستىق ينفەكتسيا راستالعان 337 جاعداي تىركەلگەن. ونىڭ ىشىندە 187 ادام اۋرۋىنان ايىعىپ, وتباسىنا ورالدى.
وڭىردە بۇگىنگى ەپيدەميولوگيالىق احۋالعا بايلانىستى كارانتين رەجيمى 8 ماۋسىمعا دەيىن ۇزارتىلدى. وسىعان وراي وڭىردە بىرقاتار شەكتەۋلەر ساقتالادى. وبلىس اكىمى ومىرزاق شوكەەۆ ونلاين-بريفينگ وتكىزىپ, كارانتين تالاپتارىن ساقتاماعاندارعا ايىپپۇل سالىناتىنىن مالىمدەدى.
«اۋا ارقىلى تەز تارايتىن بۇل دەرتتىڭ ازىرگە ناقتى ۆاكتسيناسى جوق. دارىگەرلەر قاۋىمى كۇن-ءتۇن دەمەي ۆيرۋستى جەڭۋ جولىندا تالماي ەڭبەك ەتۋدە. وكىنىشكە قاراي, COVID-19 ينفەكتسياسىنىڭ بارىنا كۇمان كەلتىرەتىن ادامدار كوشەدە قىدىرىپ, تۋعان-تۋىسىنىڭ ۇيىنە بارىپ ءجۇر. بالالار ءبىر-بىرىمەن اۋلالاردا بىرگە ويناپ, تىعىز بايلانىستا ءجۇر. بۇل دۇرىس ەمەس. اتالعان ۆيرۋس قازىر وبلىس كولەمىندە, ءار اۋداندا كەڭىنەن تاراپ بارادى. الدىن الماساق, سالدارى جامان بولماق. وتباسىمىزدىڭ, تۋعان-تۋىستىڭ, اتا-انامىزدىڭ اماندىعىن ويلاساق ءالى دە كارانتين رەجيمىن ساقتاۋىمىز قاجەت. قۇقىق قورعاۋ ورگاندارىنا ارنايى جينالىس جاساپ, تاپسىردىم. زاڭعا باعىنباعان كاسىپكەرلەرگە جازا قولدانۋ كەرەك», دەدى ومىرزاق شوكەەۆ.
تۇركىستان وبلىسى