ءبىلىم جانە عىلىم ءمينيسترى اسحات ايماعامبەتوۆ ۇلتتىق قوعامدىق سەنىم كەڭەسىنىڭ مۇشەلەرىمەن بىرەلەسىپ اتقارىلعان جۇمىس جايىندا ايتتى.
«بالاباقشالار بويىنشا بۇگىنگى مەكتەپكە دەيىنگى ءبىلىم دەڭگەيىندە بالالاردى كەزەككە قويۋ جانە قابىلداۋ 100% تولىق اۆتوماتتاندىرىلدى. بالاباقشالارمەن قامتۋ 98%-عا جەتتى. بىراق ارينە بۇل كوبىنە ساندىق كورسەتكىشتەر. قازىرگى ۋاقىتتا ەڭ باستىسى مازمۇن ماسەلەسىن وزگەرتۋگە ءمان بەرۋدەمىز»-, دەدى اسحات ايماعامبەتوۆ.
مينيستر وتە ماڭىزدى ماسەلەلەر رەتىندە وقۋ ستاندارتتارىن وزگەرتۋ, تاربيەشىلەردىڭ بىلىكتىلىگىن ارتتىرۋ, بالالاردىڭ جاس ەرەكشەلىكتەرىن وزگەرتۋ جانە مەتوديكالىق جاڭارتۋ ماسەلەلەرىن شەشۋدى اتادى.
«مەكتەپ دەڭگەيىندەگى تالاپتاردى جەڭىلدەتىپ ءۇش قالادا پيلوتتىق رەجيمدە جان باسىنا قارجىلاندىرۋ جۇمىسىن باستادىق. سونىڭ ارقاسىندا قازىر جەكەمەنشىك مەكتەپتەردىڭ ۇلەسى ارتىپ كەلەدى. وسى تەك قانا ءبىر جىلدىڭ ىشىندە جەكەمەنشىك مەكتەپتەردىڭ ۇلەسى 75 پايىزعا ارتتى. الدىڭعى جىلى 70 جەكەمەنشىك مەكتەپ ىسكە قوسىلدى»-, دەدى ول ۇلتتىق قوعامدىق سەنىم كەڭەسىنىڭ ونلاين فورماتتا ءوتىپ جاتقان وتىرىسىندا.