ەرەكشەلىگى كوپ بيىلعى وقۋ جىلى وقۋشىلار ءۇشىن, ۇستازدار ءۇشىن دە ۇمىتىلماس. تۇركىستان وبلىسىندا ەلىمىزدەگى كارانتينگە بايلانىستى بيىل سوڭعى قوڭىراۋ ەرەكشە فورماتتا, ياعني ونلاين رەجيمدە ءوتتى. ۇستازدار مەن وقۋشىلاردىڭ قاۋىپسىزدىگى ءۇشىن جىل سايىنعى ءۇردىس كەلەسى وقۋ جىلدارىنىڭ ەنشىسىنە قالدىرىلدى.
تۇركىستان وبلىسىندا بيىل 24 658 وقۋشى التىن ۇيالارىمەن قوشتاسىپ, ۇلكەن ومىرگە قادام باسادى. ولاردىڭ 1541-ءى «التىن بەلگىگە», 1240-ى «ۇزدىك اتتەستاتقا» ۇمىتكەر. بيىلعى وقۋ جىلىندا ءبىلىم سالاسىنداعى جەتىستىكتەر جەتەرلىك. مىسالى, 24 ۇستاز ءبىلىم جانە عىلىم مينيسترلىگىنىڭ ى.التىنسارين اتىنداعى توسبەلگىسىمەن جانە 24 مۇعالىم ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن ماراپاتتالدى. ءۇش مۇعالىم «جىلدىڭ ۇزدىك پەداگوگى» نوميناتسياسى بويىنشا ماراپاتتالىپ, ولارعا 1 ملن تەڭگە سىياقى تارتۋ ەتىلدى.
ايتا كەتەلىك, سوڭعى ءۇش جىلدا ۇلتتىق بىرىڭعاي تەستىلەۋ ناتيجەسى بويىنشا تۇركىستان وبلىسىنىڭ مەكتەپ تۇلەكتەرى ەلىمىز بويىنشا جاقسى كورسەتكىشكە قول جەتكىزدى. بىلتىر ۇبت ناتيجەسىمەن رەسپۋبليكادا ەڭ جوعارى 140 بالدى جيناعان تۇركىستان وبلىسىنىڭ تۇلەگى بولاتىن.