بۇگىن جەتىسۋ اۋدانىنا جۇمىس ساپارى بارىسىندا الماتى اكىمى ب.ساعىنتاەۆ تۇرعىندارعا كارانتين ەرەجەلەرىن ساقتاۋدى ۇسىندى.
جاياۋ جۇرگىنشىلەر ايماعىن اباتتاندىرۋ جۇرگىزىلىپ جاتقان نىسانداردىڭ بىرىنە بارعان كەزىندە اۋدان تۇرعىندارى قالا اكىمىنە ينفراقۇرىلىمدى جاقسارتۋ بويىنشا ءوز تىلەكتەرىن ءبىلدىردى. الايدا ولاردىڭ كەيبىرى مەديتسينالىق ماسكاسىز بولدى.
باقىتجان ساعىنتاەۆ قالادا كوروناۆيرۋس بويىنشا كارانتين ءالى الىنباعانىن, جۇقتىرۋ قاۋپى بار ەكەندىگىن ەسكە سالدى.
«مەديتسينالىق ماسكالاردى كيۋ كەرەك, سونىمەن قاتار كوشەدە, دۇكەندە نەمەسە ءدارىحانادا الەۋمەتتىك قاشىقتىقتى ساقتاۋ قاجەت. ءسىزدىڭ ءوزىڭىزدىڭ جانە جاقىندارىڭىزدىڭ ساۋلىعى وسىعان بايلانىستى. سوندىقتان جاۋاپكەرشىلىك تانىتۋ كەرەك», - دەدى ب.ساعىنتاەۆ قالا تۇرعىندارىنا.
جۇمىس ساپارى بارىسىندا قالا اكىمى جوندەۋ جۇرگىزىلىپ جاتقان بالاباقشانى ارالاپ كوردى. ول بالاباقشا ءالى اشىلماي تۇرىپ بالالاردىڭ سانيتارلىق قاۋىپسىزدىگىن قامتاماسىز ەتۋ الگوريتمىن دايىنداۋدى تاپسىردى.
ء«بىز بالالاردى اۋرۋ قاۋپىنەن ساقتاۋىمىز كەرەك», - دەپ اتاپ ءوتتى الماتى اكىمى. قاقپادان باستاپ جاتىن بولمەلەرىنە دەيىن بارلىعىن قاراستىرۋ قاجەت. اتا-انالار مەن بالالار الەۋمەتتىك قاشىقتىقتى, ۇستەلدەردى, كەرەۋەتتەردى دە قاۋىپسىز قاشىقتىقتا ساقتاۋى ءتيىس. كىرەبەرىستەر دەزينفەكتسيالانىپ, تەرمومەتريا قامتاماسىز ەتىلۋى كەرەك.