تۇركىستان قالاسى, وتىرار مولتەك اۋدانىندا كوپبالالى انا مەن تۇرمىسى تومەن ەكى وتباسىعا «كازترانسگاز» اق-ى كومەك رەتىندە «كوگىلدىر وتىندى» تەگىن كىرگىزىپ بەردى.
ورتاق گاز قۇبىرى ۇيلەرىنە كەلىپ تۇرسا دا, قارجى قولبايلاۋ بولعان ولار گازعا قوسىلا الماي كەلگەن. جاعدايعا تۇسىنىستىكپەن قاراعان وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسى مەن «كازترانسگاز» اق-ى يگى ءىستى قاسيەتتى رامازان ايىندا جۇزەگە اسىردى.
قالانىڭ ەكولوگيالىق احۋالىن جاقسارتۋ ماقساتىندا تۇرعىنداردى تابيعي گاز جۇيەسىنە قوسۋ جۇمىستارى قارقىندى جۇرگىزىلۋدە. وعان قوسا, قاتتى وتىن پايدالاناتىن بارلىق مونشالار, الەۋمەتتىك جانە كاسىپكەرلىك نىسانداردى گازداندىرۋ كوزدەلىپ وتىر. بۇل باعىتتا دا تۇسىندىرمە جۇمىستارى جۇرگىزىلىپ, ناتيجەسىندە الەۋمەتتىك جانە كاسىپكەرلىك 9 نىسان تابيعي گازعا اۋىستىرىلعان. وبلىس اكىمى ومىرزاق شوكەەۆتىڭ تاپسىرماسىنا سايكەس, جىل سوڭىنا دەيىن تۇركىستان قالاسىن 100 پايىز گازبەن قامتاماسىز ەتۋ جوسپارلانىپ وتىر. بۇل جۇمىستار كەزەڭ-كەزەڭىمەن جۇزەگە اسىرىلۋدا. بۇگىندە قالا تۇرعىندارىنىڭ 41%-ى تابيعي گازبەن قامتىلعان.
تۇركىستان وبلىسى