توپان سۋدان زارداپ شەككەن ماقتاارالدىق تۇرعىنداردىڭ جاعدايىن رامازان ايىندا سۇراي كەلگەن قازاقستان مۇسىلماندار ءدىني باسقارماسىنىڭ توراعاسى, باس ءمۇفتي ناۋرىزباي قاجى تاعان ۇلى قايىرىمدىلىق جاساۋدى دا ماقسات تۇتىپتى. قاجى وزىمەن بىرگە ورتالىقتاندىرىلعان قويماعا 30 توننا ۇن الىپ كەلدى. سونداي-اق, وبلىستىق قايىرىمدىلىق قورىنا كومەك رەتىندە اۋدارىلاتىن 10 ملن تەڭگەنىڭ سەرتيفيكاتىن تابىستادى.
Nur Otan پارتياسى وبلىستىق فيليال توراعاسىنىڭ ءبىرىنشى ورىنباسارى بەيسەن تاجىباەۆ باس ءمۇفتيدى سۋ العان اۋىلدار مەن ەۆاكۋاتسيالىق بەكەتتەردە جۇرگىزىلىپ جاتقان جۇمىستارمەن تانىستىردى. ماقتاارال اۋىلدىق وكرۋگى مەن اتاكەنت كەنتىندەگى ەۆاكۋاتسيالىق بەكەتتەردە بولىپ, تۇرعىندارمەن كەن ناۋرىزباي قاجى تاعان ۇلى اۋىزاشارعا ارناپ «رامازان ءتاتتىسىن» ۇسىندى. «اپات ايتىپ كەلمەيدى. جاراتۋشى بىزگە وسىنداي سىناق بەرگەن ەكەن. ەندەشە سابىر ساقتاي وتىرىپ, سىنان سۇرىنبەي ءوتۋدى جازسىن دەپ تىلەيىك. وزدەرىڭىز بىلەتىندەي, ەلىمىزدىڭ تۇكپىر-تۇكپىرىنەن كوپتەگەن كومەك ارقىلى بارشا حالىق قولداۋ تانىتىپ جاتىر. كومەك قولىن سوزىپ ماقتاارالدىقتارمەن بىرگە ەكەنىن ءبىلدىرىپ جاتقان بارلىق ازاماتتارعا اللا رازى بولسىن. ء«اربىر ءىستىڭ قايىرى بولادى» دەمەكشى اللا قالاسا ۇكىمەت تاراپىنان سالىنىپ جاتقان سۋ جاڭا ۇيلەرگە قونىستاناتىن بولاسىزدار. بۇدان كەيىن قۋانىشتى كۇندەر كوپ بولسىن», دەدى باس ءمۇفتي.
ساپار سوڭىندا ناۋرىزباي قاجى جەتىساي اۋدانىندا بولىپ, «باسپاناعا جول» قايىرىمدىلىق قورى ەسەبىنەن سالىنعان 3 بىردەي ءۇيدىڭ كىلتىن الەۋمەتتىك از قامتىلعان وتباسىلارعا سالتاناتتى تۇردە تابىس ەتتى.
تۇركىستان وبلىسى