ماقتاارال اۋدانىنداعى تەحنوگەندىك اپات سالدارىنان سۋ استىندا قالعان ەلدى مەكەننىڭ مەكتەپ جاسىنداعى 1210 وقۋشىسى جازعى كانيكۋلدى ءتيىمدى وتكىزبەك.
الماتى وبلىسى, قاپشاعاي قالاسىنداعى وقۋ-ساۋىقتىرۋ لاگەرىنە 15 كۇندىك دەمالىسقا ءۇش كەزەڭمەن 706 وقۋشى بارسا, تۇركىستان وبلىسىنىڭ تولەبي اۋدانىندا ورنالاسقان لاگەردە 504 وقۋشى جازعى دەمالىستارىن وتكىزەدى.
بۇگىن ماقتاارالدىق 250 وقۋشى الماتى وبلىسى, قاپشاعاي قالاسىنداعى «بالداۋرەن-قاپشاعاي» وقۋ-ساۋىقتىرۋ ورتالىعىنا جولعا شىقتى. بۇل ءوز كەزەگىندە مەكتەپ جاسىنداعى بالالاردىڭ ۋاقىتىن ءتيىمدى وتكىزىپ, سالاۋاتتى ءومىر سالتىن ۇستانۋعا ۇيرەتەتىن, جاڭا دوستار تابۋعا سەپتىگىن تيگىزەتىن ساپار بولماق. سونداي-اق 200 باستاۋىش سىنىپ وقۋشىسى جانە ولارعا باس-كوز بولاتىن 15 مۇعالىم مەن مەدبيكە تولەبي اۋدانىنداعى «بالداۋرەن-تۇركىستان» وقۋ-ساۋىقتىرۋ ورتالىعىنا جىبەرىلدى.
بالالار وقۋ-ساۋىقتىرۋ ورتالىقتارىندا ءبىلىم الۋىن جالعاستىراتىن بولادى.
تۇركىستان وبلىسى