قىتاي دارىگەرلەرى وزدەرىنە قارالۋعا كەلگەن ناۋقاستىڭ تۋرا ماڭدايىنا مۇرىن ءوسىرىپ بەردى. بۇل تۋرالى «gigamir.net» حابارلادى.
قىتايدىڭ 22 جاسار سياوليان ەسىمدى تۇرعىنى 2012 جىلدىڭ تامىز ايىندا جول اپاتىنا ۇشىراپ, مۇرنىن جاراقاتتاپ العان ەكەن. ءبىراز ۋاقىتتان سوڭ جاس جىگىتتىڭ اعزا تىندەرى جانسىزدانىپ, تىنىس الۋى ناشارلاي باستايدى. دەر مەزگىلىندە دارىگەرگە كورىنۋگە اسىقپاعان ول جاعدايىنىڭ قيىنداي تۇسكەنىن سەزىپ, جەرگىلىكتى جەردەگى اۋرۋحاناعا كەلەدى.
تەكسەرۋ ناتيجەسىندە ونىڭ مۇرىن شەمىرشەگىنىڭ شىرىگەنى جانە ونىڭ جارامسىز ەكەنى انىقتالادى. سوسىن دارىگەرلەر كەڭەسە كەلە, شەمىرشەكتى ناۋقاستىڭ قابىرعاسىنان الىپ, ونى جاس جىگىتتىڭ ماڭدايىنا ورناتىپ بەردى. بۇگىندە جاساندى مۇشە تولىق جەتىلىپ, قالىپتاسقان.
جۋىق ارادا دارىگەرلەر ونى ءوز ورنىنا قويۋدى جوسپارلاپ وتىر.
ايدار ورىسباەۆ