كارانتين كەزىندە تالاپ پەن تارتىپكە قايشى ءىس-ارەكەتتەر ورىن الماي جاتقان جوق. قالاعا جاسىرىن جولمەن الىپ كىرۋ, باسقا دا توتەنشە جاعداي تالاپتارىنا ساي كەلمەيتىن ارەكەتتەر كوپتەپ كەزدەستى. الماتى قالاسىنىڭ كىرەبەرىس قاقپاسىنداعى بلوك-بەكەتتەردىڭ بىرىنەن وتكىزۋ ءۇشىن پارا العان پوليتسيا قىزمەتكەرى تەمىر تورعا توعىتىلدى.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ وكىلى, اعا تەرگەۋشى دانيار بەكايداروۆ ءباسپاسوز ءماسليحاتى بارىسىندا ايتىپ بەردى
– اعىمداعى جىلدىڭ 5 مامىرىندا الماتى قالاسىنىڭ اۋەزوۆ اۋداندىق سوتىنىڭ ۇكىمىمەن قالالىق پوليتسيا دەپارتامەنتىنىڭ پاترۋلدىك پوليتسيا پولكىنىڭ ينسپەكتورى ب.ق.تىنىشتىقباەۆ 1 جىلعا باس بوستاندىعىنان ايىرىلدى. وعان, سونىمەن قاتار, مەملەكەتتىك قىزمەتتە ءومىر بويى ەڭبەك ەتۋ قۇقىعى بەرىلمەيدى. ول تج كەزەڭىندە فيلتراتسيالىق بلوك-بەكەتتەن كەدەرگىسىز وتكىزۋ ءۇشىن ازاماتتاردىڭ بىرىنەن 20 مىڭ تەڭگە پارا العان, – دەدى دانيار بەكايداروۆ.