قوستاناي قالالىق اكىمدىگى قۇرىلىس ءبولىمىنىڭ جەتەكشىسى جىلجىمايتىن م ۇلىك اگەنتىگىنىڭ ريەلتورىنان پارا الدى دەگەن كۇدىككە ىلىگىپ وتىر. قىلمىسى دالەلدەنسە, پارا بەرگەن اگەنتتىك ريەلتورى دا جازادان قاشىپ قۇتىلمايدى.
بۇل تۋرالى بۇگىن وتكەن ونلاين-بريفينگتە قر سىبايلاس جەمقورلىققا قارسى ءىس-قيمىل اگەنتتىگى 1-ءشى دەپارتامەنتىنىڭ ەرەكشە ماڭىزدى ىستەر جونىندەگى تەرگەۋشىسى دانيار بەگايداروۆ ءمالىم ەتتى.
تەرگەۋشىنىڭ ايتۋىنشا, قازىر ءبولىم باستىعى مەن اگەنتتىك ريەلتورىنا قاتىستى سوتقا دەيىنگى تەرگەۋ جۇمىستارى ءجۇرىپ جاتىر.
ءبولىم باستىعى «نۇرلى جەر» باعدارلاماسى بويىنشا تۇرمىسى تومەن وتباسىلارعا ۋاقىتشا قونىستانۋعا بەرىلەتىن پاتەرلەردى جەكە تۇلعالاردان ساتىپ الۋ تۋرالى مەملەكەتتىك ساتىپ الۋ شارتتارىن كەدەرگىسىز جاساپ بەرگەنى ءۇشىن ريەلتوردان 800 000 تەڭگە زاڭسىز سىياقى العان. ء سويتىپ, پارانى العان مەملەكەتتىك قىزمەتشى دە, پارانى بەرگەن ريەلتور دا تۇتىلدى.
سىبايلاس جەمقورلىققا قارسى ءىس-قيمىل دەپارتامەنتى ءباسپاسوز قىزمەتىنىڭ حابارلاۋىنشا, كىناسىن تولىق مويىنداعاندىقتان كۇدىكتىلەرگە قاتىستى ۇستاۋ شاراسى قولدانىلماعان. قازىر تەرگەۋ ءجۇرىپ جاتىر. سوڭعى شەشىم سوت وتىرىسىندا بەلگىلى بولادى.
قوستاناي وبلىسى