شاردارا اۋداندىق پوليتسيا بولىمشەسىنە جەرگىلىكتى تۇرعىن اۋلاسىندا ەسىرتكى وسىرەدى دەگەن حابارلاما كەلىپ تۇسكەن. اقپاراتتى تەكسەرۋ ماقساتىندا كپب-ءنىڭ قىزمەتكەرلەرى جەدەل ارەكەت ەتىپ, انىقتاۋ جۇمىستارىن جۇرگىزەدى. ناتيجەسىندە جەرگىلىكتى پوليتسەيلەر 80 جاستاعى قاريانىڭ اۋلاسىندا جايقالا ءوسىپ تۇرعان كوكناردى كورەدى.
ءتورت سوتتىق جەرگە ەگىلگەن, كۇتىپ-باپتاپ وسىرىلگەن ەسىرتكىگە ۇقساس وسىمدىكتىڭ زەرتتەۋ قورىتىندىسىنا سايكەس «ۇيىقتاتاتىن كوكنار» ەكەنى انىقتالعان. ايعاقتى زات رەتىندە تاركىلەپ, جەكەلەي ساناعاندا 5,5 مىڭعا جۋىق ءتۇپ, ياعني 50 قاپ, ال سالماعى 62 كەلىگە جۋىق بولعان. ودان بولەك اۋلاداعى تاپشان ۇستىنەن ماتا قالتاشاعا سالىنعان ايعاقتى زاتتار دا الىنعان. سالماعى 45 گرامم بۇل زات «كەپتىرىلگەن كوكنار سابانى» بولىپ شىقتى.
بۇل دەرەك سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قىلمىستىق كودەكستىڭ 296-بابىمەن (ەسىرتكى, پسيحوتروپتىق زاتتارمەن, سول تەكتەستەرمەن, پرەكۋسولارمەن وتكىزۋ ماقساتىنسىز زاڭسىز جۇمىس ىستەۋ) تىركەلىپ, قىلمىستىق ءىس قوزعالدى.
قاريا ءوزىنىڭ قىلمىسىن تولىق مويىنداپ, وسىمدىكتەردى جەكە باسىنا پايدالانۋ ءۇشىن ەككەندىگىن ايتقان. باس شاراسى قولحاتپەن بوساتىلدى. كۇدىكتى 80 جاستاعى قاريانىڭ وسى تەكتەس قىلمىس جاساپ ءۇش جىلعا سوتتى بولعانى تەرگەۋ بارىسىندا انىقتالىپ وتىر.
تۇركىستان وبلىسى