تۇركىستان وبلىسىندا تاعى 2 ناۋقاس كوروناۆيرۋس ينفەكتسياسىنان جازىلدى.
ونىڭ ءبىرى اتاكەنت كەنتىنىڭ 1992 جىلعى تۇرعىنى. جۇك كولىگىنىڭ جۇرگىزۋشىسى بولىپ ىستەيتىن ول 26-شى ءساۋىر كۇنى قازان قالاسىنان ورالعان. سول كۇنى دەرەۋ اتاكەنتتەگى وبسەرۆاتسيالىق ورتالىققا جاتقىزىلىپ, دارىگەرلەر باقىلاۋىنا الىنعان. تالداما قورىتىندىلارى ونىڭ COVID-19 ينفەكتسياسىنا شالدىققانىن انىقتاعان. ناۋقاس شۇعىل تۇردە جەتىساي اۋداندىق جۇقپالى اۋرۋلار اۋرۋحاناسىنا جاتقىزىلدى. ەكى اپتادان استام ۋاقىت ەم قابىلداعان. بۇگىن ساۋىعىپ, ۇيىنە ورالدى.
كوروناۆيرۋس ينفەكتسياسىنان جازىلعان كەلەسى ازامات ماقتاارال اۋدانى, مىرزاكەنت ەلدى مەكەنىنىڭ 1995 جىلعى تۇرعىنى. ول 25-ءشى ءساۋىر كۇنى اتىراۋ – شىمكەنت باعىتىنداعى ۇشاقپەن كەلگەن. اۋەجايدان مەديتسينالىق جەدەل جاردەم كولىگىمەن تىكەلەي اتاكەنتتەگى وبسەرۆاتسيالىق ورتالىققا جەتكىزىلگەن. سىناما قورىتىندىسى COVID-19 ينفەكتسياسىن جۇقتىرعانىن راستاپ, جەتىساي اۋداندىق جۇقپالى اۋرۋلار اۋرۋحاناسىنا جاتقىزىلعان. 13 مامىرداعى تالداما قورىتىندىسى تەرىس ناتيجەسىن كورسەتىپ, ىندەتتەن جازىلعان ازامات اۋرۋحانادان شىعارىلدى.
تۇركىستان وبلىسى